નવી દિલ્હી,: અમેરિકાના અરકાનસાસમાં એક કરિયાણાની દુકાનમાં શુક્રવારે થયેલા ગોળીબારમાં ત્રણ લોકોના મોત થયા છે અને ૧૦ લોકો ઘાયલ થયા છે.આ ઘટના સવારે ૧૧.૩૦ વાગ્યે ફોર્ડીસમાં મેડ બુચર કરિયાણાની દુકાનમાં

બની હતી.

ફાયરિંગની માહિતી મળ્યા બાદ પોલીસ ઘટનાસ્થળે પહોંચી અને જવાબી કાર્યવાહી કરી, જેમાં હુમલાખોર પણ ગંભીર રીતે ઘાયલ થયો.અરકાનસાસ ડિપાર્ટમેન્ટ ઓફ પબ્લિક સેફ્ટી ડિરેક્ટર માઈક હેગરે જણાવ્યું હતું કે બે પોલીસ અધિકારીઓને પણ ગોળી વાગી હતી અને ઈજા થઈ હતી.રિપોટ્‌ર્સ અનુસાર, સોશિયલ મીડિયા પર વાયરલ થઈ રહેલી તસવીરોમાં કરિયાણાની દુકાનની બારી પર ગોળીઓના નિશાન જાેઈ શકાય છે. આ ઘટના બાદ અરકાનસાસના ગવર્નર સારાહ હકાબી સેન્ડર્સે કહ્યું કે તેમને આ ઘટના અંગે માહિતી મળી છે. આ બાબતના સમાચાર મળ્યા બાદ જેમ બને તેમ જલ્દી કાર્યવાહી કરવા બદલ હું પોલીસનો આભારી છું. મારી સંવેદના પીડિતો સાથે છે.અરકાનસાસમાં, ડેવિડ રોડ્રિગ્ઝ (૫૮) તેની કાર ભરવા માટે સ્થાનિક ગેસ સ્ટેશન પર રોકાયો હતો. પછી તેઓએ નજીકની દુકાનમાંથી ફટાકડા જેવા અવાજાે સાંભળ્યા. ડેવિડે કહ્યું કે તેણે લોકોને મેડ બુચર કરિયાણાની દુકાનમાંથી બહાર ભાગતા જાેયા છે. આ દરમિયાન એક વ્યક્તિ જમીન પર પડેલો હતો.તમને જણાવી દઈએ કે વર્ષ ૨૦૨૨માં બફેલો સુપરમાર્કેટમાં થયેલા ગોળીબારમાં ૧૦ લોકોના મોત થયા હતા.