ન્યૂ દિલ્હી-
ઘણા દાયકાઓથી હોકી માં પોતાની ખોવાયેલી પ્રતિષ્ઠાની શોધમાં રહેલી ભારતીય પુરુષ હોકી ટીમને આ સમાચાર ખૂબ જ દિલાસો આપે છે. ઓલમ્પિક ગેમ્સમાં મનપ્રીત સિંહની કેપ્ટનશીપ હેઠળ શ્રેષ્ઠ હોકી રમી રહેલી ટીમ ઈન્ડિયાને પણ વર્લ્ડ રેન્કિંગમાં તેનો ફાયદો મળ્યો છે અને પ્રથમ વખત ટોપ ૩ માં પહોંચી છે. આંતરરાષ્ટ્રીય હોકી ફેડરેશન (એફઆઈએચ) એ વર્ષ ૨૦૦૩ માં રેન્કિંગ શરૂ કર્યું હતું અને ત્યારબાદ ૧૮ વર્ષમાં આ પહેલીવાર બન્યું છે જ્યારે ભારત ટોપ ૩ માં પોતાનું સ્થાન બનાવવામાં સફળ રહ્યું છે. ઇન્ટરનેશનલ હોકી ફેડરેશન (એફઆઇએચ) એ ગુરુવારે નવીનતમ વર્લ્ડ રેન્કિંગ જાહેર કર્યું છે. આમાં ભારત ત્રીજા નંબરે છે. અગાઉ, તે માર્ચ ૨૦૨૦ માં ચોથા નંબરે પહોંચ્યો હતો, જે તેની અગાઉની શ્રેષ્ઠ રેન્કિંગ હતી. ભારતના ૨૨૮૬ પોઈન્ટ છે અને તે ચોથા સ્થાને નેધરલેન્ડ (૨૨૬૭ પોઈન્ટ) થી ૧૯ પોઈન્ટ આગળ છે. ઓસ્ટ્રેલિયા (૨૬૨૮) પ્રથમ અને બેલ્જિયમ (૨૬૦૬) બીજા ક્રમે છે.
ભારતે ન્યુઝીલેન્ડને ૩-૨થી હરાવીને ઓલિમ્પિકમાં શાનદાર શરૂઆત કરી હતી. ત્યારબાદ તેઓ છેજંટ્ઠિઙ્મૈટ્ઠસ્ટ્રેલિયા સામે ૧-૭ થી હારી ગયા હતા પરંતુ ત્યારબાદ સ્પેનને ૩-૦થી અને આજેર્ન્ટિનાને ૩-૧થી હરાવીને ક્વાર્ટર ફાઇનલમાં પહોંચવા માટે સારો દેખાવ કર્યો હતો. ઇંગ્લેન્ડ નવીનતમ વિશ્વ રેન્કિંગમાં ૫ મા ક્રમે છે. તે પછી જર્મની, આજેર્ન્ટિના, ન્યુઝીલેન્ડ, સ્પેન અને દક્ષિણ આફ્રિકા આવે છે.
જોકે મહિલા ટીમ માટે વર્લ્ડ રેન્કિંગમાં કોઈ સારા સમાચાર નથી. ટોક્યો ઓલિમ્પિકમાં સંઘર્ષ કરી રહેલી મહિલા ટીમ પણ રેન્કિંગમાં ૧૨ મા સ્થાને આવી ગઈ છે. ઓલિમ્પિકના લીગ તબક્કામાં તેઓ નેધરલેન્ડ, ગ્રેટ બ્રિટન અને જર્મની સામે હારી ગયા છે.
Loading ...