એશિયન ગૅમ્સ સ્ક્વોડમાંથી અન્નુ રાણી બહાર

હાંગઝોઉ એશિયન ગેમ્સની ગોલ્ડ મેડલિસ્ટ અન્નુ રાણી જાપાન એશિયન ગેમ્સની ભારતીય સ્ક્વોડમાંથી બહાર થઈ ગઈ છે. તેઓ મહિલાઓની જેવલિન થ્રોમાં ક્વોલિફિકેશન માર્ક હાંસલ કરી શક્યા નથી.અન્નુએ સ્ટેડિયમમાં ઇન્ડિયન એથ્લેટિક્સ ફાઇનલ સિરીઝમાં ૫૭.૫૦ મીટરનો થ્રો કર્યો. તે ૫૭.૬૨ મીટરના ક્વોલિફિકેશન માર્કથી ૧૨ સેન્ટિમીટર પાછળ રહી ગઈ.

આ જ ઇવેન્ટમાં ઇજામાંથી પાછા ફરેલા અવિનાશ સાબલેએ ૩,૦૦૦ મીટર સ્ટીપલચેઝમાં ગોલ્ડ જીત્યો. તેમણે ૮:૩૨.૩૯ સેકન્ડનો સમય કાઢીને ૮:૩૬.૫૭ સેકન્ડનો ક્વોલિફિકેશન માર્ક હાંસલ કર્યો.એથ્લેટિક્સ ફેડરેશન ઓફ ઇન્ડિયાએ સ્પર્ધા પહેલા ખેલાડીઓને સ્પષ્ટ કરી દીધું હતું કે એશિયન ગેમ્સમાં જવા માટે ક્વોલિફિકેશન માર્ક હાંસલ કરવો જરૂરી છે.AFI પ્લાનિંગ કમિટીના ચેરમેન લલિત ભનોતે કહ્યું કે, જેણે ક્વોલિફિકેશન માર્ક હાંસલ કર્યો નથી, તેને એશિયન ગેમ્સમાં મોકલવામાં આવશે નહીં. AFIનું વલણ બિલકુલ સ્પષ્ટ હતું.તેમણે કહ્યું કે, જાે અન્નૂ રાણી ક્વોલિફાય ન થઈ હોય, તો તેઓ નહીં જાય. જે ખેલાડીઓએ માર્ક હાંસલ કર્યો નથી, તેઓ ટીમનો ભાગ નહીં હોય.૩૧ વર્ષીય અવિનાશ સાબલે ૧૪ મહિના સુધી ઈજાને કારણે બહાર રહ્યા પછી પોતાની ૩,૦૦૦ મીટર સ્ટીપલચેઝ સ્પર્ધામાં પાછા ફર્યા.તેમણે ૮:૩૨.૩૯ સેકન્ડના સમય સાથે ગોલ્ડ જીત્યો.તેમનો સમય ૮:૩૬.૫૭ સેકન્ડના એશિયન ગેમ્સ ક્વોલિફિકેશન માર્ક કરતાં સારો રહ્યો.એશિયન ગેમ્સ ૨૦૨૬નું ૧૯ સપ્ટેમ્બરથી ૪ ઓક્ટોબર ૨૦૨૬ સુધી જાપાનના આઈચી-નાગોયામાં રમાશે. આ એશિયન ગેમ્સની ૨૦મી આવૃત્તિ છે. તેમાં એશિયાના ૪૫ દેશોના ખેલાડીઓ અલગ-અલગ રમતોમાં ભાગ લેશે. ભારતીય દળ પણ એથ્લેટિક્સ, શૂટિંગ, બોક્સિંગ, કુસ્તી, બેડમિન્ટન, હોકી, તીરંદાજી, કબડ્ડી અને ક્રિકેટ સહિત અનેક રમતોમાં પડકાર રજૂ કરશે.