મુંબઇ

એક્ટ્રેસ અનુષ્કા શર્માએ જ્યારથી પ્રેગ્નેન્સીની જાહેરાત કરી છે ત્યારથી તે સતત ચર્ચામાં છે. અનુષ્કા અને વિરાટ કોહલી આ મહિને તેમના પ્રથમ સંતાનને આવકારવાના છે. એક્ટ્રેસ નિયમિત રુટિન ચેક-અપ માટે ક્લિનિક જતી જોવા મળે છે. હાલમાં તેણે ઈન્સ્ટાગ્રામ સ્ટોરીમાં એક બૂમરેંગ વીડિયો શેર કર્યો છે, જેમાં તે જિમમાં પરસેવો પાડતી દેખાઈ રહી છે. વીડિયોમાં, તે ટ્રેડમિલ પર ઈનડોર જોગિંગ કરી રહી છે. 'પરી' એક્ટ્રેસ આ સાથે દરેક પ્રેગ્નેન્ટ મહિલાને પોતાના લેટેસ્ટ કાર્ડિયો વર્કઆઉટ વીડિયોથી મેજર ફિટનેસ ગોલ્સ આપી રહી છે.

આ બૂમરેંગ વીડિયોમાં, મોમ-ટુ-બી અનુષ્કાએ કેઝ્યુઅલ વ્હાઈટ ટી-શર્ટ પહેર્યું છે, જેમાં તેનો બેબી બમ્પ દેખાઈ રહ્યો છે. આ સાથે તેણે બ્લેક યોગા પેન્ટ અને ગ્રે કલરના રનિંગ શૂઝ પહેર્યા છે.

અનુષ્કા શર્માને છેલ્લો મહિનો જઈ રહ્યો છે, છતાં કામ પર પણ એટલું જ ધ્યાન રાખી રહી છે. હાલમાં તેણે એક મેગેઝિનના કવર માટે ફોટોશૂટ કરાવ્યું હતું. જેમાં તે વ્હાઈટ કલરના લૂઝ શર્ટમાં બેબી બમ્પ દેખાડતી જોવા મળી હતી. આ તસવીર શેર કરીને તેણે લખ્યું હતું કે, પોતાના માટે અને પૂરી જિંદગી માટે તેને આને કેદ કર્યું છે.