બીસીસીઆઇની સિનિયર પુરુષ પસંદગી સમિતિમાં ખાલી પડેલી જગ્યા ભરવાની પ્રક્રિયા હવે નિર્ણાયક તબક્કામાં પહોંચી છે. ભૂતપૂર્વ ભારતીય ક્રિકેટર વસીમ જાફરની ઉમેદવારીએ રેસને નવો વળાંક આપ્યો છે. જાફર એ ભૂતપૂર્વ ખેલાડીઓમાંનો એક છે જેમના વર્ચ્યુઅલ ઇન્ટરવ્યુ ક્રિકેટ સલાહકાર સમિતિ દ્વારા લેવાયા છે. ભૂતપૂર્વ ભારતીય સ્પિનર રમેશ પોવાર, ઝડપી બોલર સલિલ અંકોલા અને બરોડાના ભૂતપૂર્વ ક્રિકેટર જેકબ માર્ટિન અને કોનોર વિલિયમ્સનો પણ આ પદ માટે વિચાર કરાયો છે. આ પદ માટે મજબૂત દાવેદાર ગણાતા પાર્થિવ પટેલે અરજી કરી ન હતી. ક્રિકેટ સલાહકાર સમિતિએ હવે પાંચમા પસંદગીકાર પર અંતિમ ર્નિણય લેવો પડશે. BCCIના બંધારણ મુજબ, પાંચ સભ્યોની પસંદગી સમિતિમાં સૌથી વધુ ટેસ્ટ મેચ રમનાર પસંદગીકારને ચેરમેન તરીકે નિયુક્ત કરાય છે. આ નિયમને કારણે, વસીમ જાફરનીઆ ઉમેદવારી મહત્વપૂર્ણ માનવામાં આવે છે. જાફરે ભારત માટે ૩૧ ટેસ્ટ મેચ રમી છે, જ્યારે પ્રજ્ઞાન ઓઝાએ ૨૪ ટેસ્ટ મેચ રમી છે. જાે જાફરને પસંદગી સમિતિમાં નિયુક્ત કરવામાં આવે છે, તો તે ટેસ્ટ અનુભવની દ્રષ્ટિએ ઓઝાથી આગળ હશે. જાેકે, અંતિમ નિમણૂક અને સમિતિનું નેતૃત્વBCCI પ્રક્રિયા દ્વારા નક્કી કરાશે. જાફરનો અનુભવ ફક્ત રમવા પૂરતો મર્યાદિત નથી. તેણેIPLન્માં કોચિંગ આપ્યું છે અને ભારત અને બાંગ્લાદેશની અંડર-૧૯ ટીમો સાથે પણ કામ કર્યું છે. તે વિદર્ભના સલાહકાર રહી ચૂક્યા છે અને ૨૦૨૬-૨૭ ઘરેલુ સિઝનમાં હૈદરાબાદ ટીમનું માર્ગદર્શન કરી રહ્યા છે. ઘરેલુ ક્રિકેટમાં તેમના વ્યાપક અનુભવ અને કોચિંગ પૃષ્ઠભૂમિએ તેમની ઉમેદવારીને ચર્ચાનો વિષય બનાવ્યો છે. ભૂતપૂર્વ ભારતીય ઓફ-સ્પિનરે ભારત માટે બે ટેસ્ટ અને ૩૧ રમી છે. તેમણે બે અલગ અલગ કાર્યકાળમાં ભારતીય મહિલા ક્રિકેટ ટીમના મુખ્ય કોચ તરીકે પણ સેવા આપી છે.તેમને જુનિયર પુરુષોની પસંદગી સમિતિના વડા પદ માટે અગ્રણી માનવામાં આવતા હતા.મુંબઈના ભૂતપૂર્વ ફાસ્ટ બોલર અંકોલાએ ભારત માટે એક ટેસ્ટ અને ૨૦ વનડે રમી છે. તેમણે જાન્યુઆરી ૨૦૨૩ થી ઓગસ્ટ ૨૦૨૪ સુધી રાષ્ટ્રીય પસંદગીકાર તરીકે સેવા આપી હતી. બાદમાં, પ્રાદેશિક સંતુલન જાળવવા માટે અજય રાત્રાની નિમણૂક કરવામાં આવી હતી. ભૂતપૂર્વ ભારતીય ક્રિકેટર જેકબ માર્ટિન અને કોનોર વિલિયમ્સ પણ ઇન્ટરવ્યુ પ્રક્રિયામાં હોવાનું કહેવાય છે. માર્ટિને ભારત માટે ૧૦ વનડે રમી છે. સિનિયર પસંદગી સમિતિની નિમણૂક જુનિયર પુરુષોની પસંદગી સમિતિ પર પણ અસર કરી શકે છે.