મોંઘા ક્રૂડ ઓઈલ અને અપરિવર્તિત છૂટક ભાવને કારણે રિલાયન્સ-બીપી અને નાયરા એનર્જી જેવી ખાનગી કંપનીઓએ પેટ્રોલ અને ડીઝલના વેચાણ પર મર્યાદા મૂકી છે. બ્લૂમબર્ગના એક અહેવાલમાં આ દાવો કરવામાં આવ્યો હતો. અહેવાલમાં જણાવાયું છે કે આંતરરાષ્ટ્રીય બજારમાં ક્રૂડ ઓઈલનો ભાવ બેરલ દીઠ ઇં૧૦૭ પર પહોંચી ગયો હતો, પરંતુ મે મહિનાથી પેટ્રોલ પંપ પર ભાવ બદલાયા ન હતા. જેના પરિણામે કંપનીઓને નુકસાન થઈ રહ્યું છે. અહેવાલ મુજબ, કંપની સંગ્રહખોરોને ડ્રમમાં બળતણ ભરીને ઊંચા ભાવે વેચતા રોકવા માંગે છે. નાયરાના આઉટલેટ્સ પર હવે એક વાહનમાં મહત્તમ ૨૦૦ લીટર ડીઝલ અને ૩૦ લીટર પેટ્રોલ આપવામાં આવી રહ્યું છે. રિલાયન્સે વેચાણ પર કેટલો પ્રતિબંધ મૂક્યો છે તે સ્પષ્ટ નથી.

મધ્ય પૂર્વમાં તણાવ અને રશિયા-યુક્રેન યુદ્ધે પેટ્રોલ-ડીઝલના પુરવઠાને પ્રતિકૂળ અસર કરી છે. પુરવઠાના સંકટને કારણે આંતરરાષ્ટ્રીય સ્તરે ભાવમાં તીવ્ર વધારો થયો છે. કંપનીઓને નિકાસથી ફાયદો થાય છે, પરંતુ દેશમાં વેચાણ કરતી વખતે નુકસાન છે. ઊંચા ભાવ સાથે, ભારતીય રિફાઇનરીઓ માટે દેશમાં નીચા ભાવે વેચવા કરતાં વિદેશમાં તેલની નિકાસ કરવી વધુ નફાકારક બની ગઈ છે.