ફૂટબોલના દિવાના કોલકાતાના ચાહકો ટૂંક સમયમાં એક ખાસ મજા માણવા માટે તૈયાર છે. ૨૫ નવેમ્બરના રોજ વિવેકાનંદ યુવા ભારતી ક્રિરાંગણ ખાતે રીઅલ મેડ્રિડ અને બાર્સેલોનાના દિગ્ગજાે વચ્ચે મેચ યોજાશે. પશ્ચિમ બંગાળના મુખ્યમંત્રી સુવેન્દુ અધિકારી સોમવારે એક પ્રેસ કોન્ફરન્સમાં મેચની જાહેરાત કરશે. 

કોલકાતાના ફૂટબોલ ચાહકો વિશ્વના બે સૌથી મોટા ફૂટબોલ ક્લબના લાંબા સમયથી રમાનારી આ પ્રસ્તાવિત મેચને લઈને ઉત્સાહિત છે. કોલકાતામાં બંને ટીમોના ચાહકોની સંખ્યા ખૂબ મોટી છે. 

અહેવાલો દર્શાવે છે કે લુઈસ ફિગો, સ્પેનના ભૂતપૂર્વ ગોલકીપર ઇકર કેસિલાસ અને બાર્સેલોનાના દિગ્ગજ ખેલાડી કાર્લ્સ પુયોલ ભાગ લે તેવી અપેક્ષા છે. ખેલાડીઓ અને મેચના અન્ય પાસાઓ વિશે હજુ સુધી વિગતો જાહેર કરવામાં આવી નથી. કોલકાતાના ફૂટબોલ ચાહકો માટે રીઅલ મેડ્રિડ અને બાર્સેલોનાના દિગ્ગજાે વચ્ચેની મેચ જાેવી એક સ્વપ્ન સાકાર થવા જેવું હશે. આ મેચ રમતના સૌથી તીવ્ર મુકાબલામાંના એકની યાદો અને ઉત્સાહથી ભરપૂર હશે.ભારતે ૬ એપ્રિલ, ૨૦૨૫ ના રોજ નવી મુંબઈના ડીવાય પાટિલ સ્ટેડિયમમાં લિજેન્ડ્સ એલ ક્લાસિકોનું આયોજન કર્યું હતું. ફર્નાન્ડો મોરિએન્ટેસ અને ડેવિડ બરાલના ગોલની મદદથી રિયલ મેડ્રિડ લિજેન્ડ્સે ૨-૦થી જીત મેળવી હતી.