પટિયાલા, 

એસ ધનલક્ષ્મીએ મંગળવારે અહીં ફેડરેશન કપ સિનિયર નેશનલ એથ્લેટિક્સ ચેમ્પિયનશીપની મહિલા ૧૦૦ મી ફરાટા રેસ જીતવા રાષ્ટ્રીય રેકોર્ડ ધારક દુતી ચંદને હરાવી હતી. જ્યારે હિમા દાસ ખોટી શરૂઆતના કારણે ડિસ્ક્વોલિફાય જાહેર થઈ હતી. તમિલનાડુની ૨૨ વર્ષીય ધનલક્ષ્મી એનઆઈએસ કેમ્પસમાં ૧૧.૩૯ સેકન્ડના સમય સાથે ઓડિશાની દુથી (૧૧.૫૮ સેકન્ડ) ને હરાવીને ચેમ્પિયનશીપની સૌથી ઝડપી મહિલા દોડવીર બની હતી. તમિલનાડુની અર્ચના સુસિંદ્રન ૧૧.૭૬ સેકન્ડના સમય સાથે ત્રીજા સ્થાને રહી હતી. અગાઉ હિમા જેણે તેના પ્રિય ૪૦૦ મીટરની જગ્યાએ ૧૦૦ અને ૨૦૦ મીટરની હરીફાઈ કરી હતી. તે ખોટી શરૂઆતના કારણે ડિસ્ક્વોલિફાય થઇ હતી. મહિલાઓની ૧૦૦ મીટરની ફાઇનલ જો કે અપેક્ષાઓ પૂર્ણ કરવામાં નિષ્ફળ ગઈ. જ્યારે હિમા ડિસ્ક્વોલિફાય થઇ ત્યારે દુતી અને ધનાલક્ષ્મી પણ ૧૧.૧૫ સેકન્ડના ઓલિમ્પિક ક્વોલિફાઇંગ સ્તર સુધી પહોંચી શક્યા નહીં. ધનલક્ષ્મીએ સોમવારે ૧૧.૩૮ સેકન્ડના સમય સાથે ફાઇનલ માં જગ્યા બનાવી હતી. તે ફાઇનલમાં પોતાનું પ્રદર્શન સુધારી શકી નહીં. દુતી પણ સોમવારના ૧૧.૫૧ સેકન્ડના પ્રદર્શનમાં સુધારો કરી શકી નથી. 

પંજાબના ગુરિન્દ્રવીરસિંહે ૧૦.૩૨ સેકન્ડના સમય સાથે પુરુષોની ૧૦૦ મીટર રેસ ટાઇટલ જીત્યું હતું. તમિળનાડુના ઇલકીયાદાસન કન્નડ (૧૦.૪૩ સેકન્ડ) બીજા ક્રમે જ્યારે મહારાષ્ટ્રના સતિષ કૃષ્ણકુમાર (૧૦.૫૬ સેકન્ડ) ત્રીજા ક્રમે આવ્યા. રાષ્ટ્રીય રેકોર્ડ ધારક ઓડિશાના અમિયા કુમાર મલિક ૧૦.૭૫ સેકન્ડના સમય સાથે સાતમા સ્થાને રહ્યો હતો. પુરુષ વિભાગમાં ઓલિમ્પિક લાયકાતનું સ્તર ૧૦.૦૫ સેકંડ છે. કર્ણાટકનું પ્રતિનિધિત્વ કરનાર અનુભવી પૂવમ્માએ મહિલાઓની ૪૦૦ મીટર કેટેગરીમાં ૫૩.૫૭ સેકન્ડનો સમય જીત્યો હતો.