અમદાવાદમાં એક ઠગે રિયલ એસ્ટેટના એજન્ટને રિઝર્વ બેન્ક ઓફ ઇન્ડિયા ની નકલી નોટિસના નામે એક ઝિપ ફાઈલ મોકલીને ઓફિસનું કમ્પ્યુટર હેક કર્યું હતું. ત્યારબાદ ઠગે બોસના નામે ખોટું વોટ્સએપ એકાઉન્ટ બનાવી એકાઉન્ટન્ટને મેસેજ કરી ૧.૫ કરોડ રૂપિયા ટ્રાન્સફર કરાવી લીધા હતા. મહત્ત્વનું છે કે, ઇમ્ૈંની નોટિસના નામે એક ઝિપ ફાઈલ મોકલીને પહેલા એક રિયલ એસ્ટેટ એજન્ટની ઓફિસનું કમ્પ્યુટર હેક કર્યું હતું. ત્યારબાદ હેકર્સે બોસના નામે જ નવું વોટ્સએપ એકાઉન્ટ બનાવી, એકાઉન્ટન્ટને મેસેજ કરીને છેતરપિંડીથી ૧.૫ કરોડ રૂપિયાની મોટી રકમ અન્ય બેન્ક ખાતામાં ટ્રાન્સફર કરાવી લીધી હતી. આ મામલે ભોગ બનનાર વેપારીએ સાયબર ક્રાઈમમાં ફરિયાદ નોંધાવતા પોલીસે વધુ તપાસ હાથ ધરી છે. બોડકદેવ વિસ્તારમાં રહેતા ૪૮ વર્ષીય પ્રવિણ બવાડિયા સાથે આ છેતરપિંડી થઈ છે. તેઓ રિયલ એસ્ટેટ એજન્ટ તરીકેનુ કામ કરે છે. એક અજાણ્યા નંબર પરથી આરબીઆઈના નામે એક મેસેજ અને ઝિપ ફાઇલ આવી હતી, જે તેમણે ચેક કરવા માટે તેમના એકાઉન્ટન્ટને ફોરવર્ડ કરી હતી. આ ફાઇલ એકાઉન્ટન્ટે ઓફિસના કમ્પ્યુટરમાં ખોલતા જ કમ્પ્યુટરનો એક્સેસ હેકર્સ પાસે જતો રહ્યો હતો અને તેમની જાણ બહાર તેમના બેન્ક એકાઉન્ટમાંથી કરોડો રૂપિયાની ઉચાપત થઈ હતી. અજાણ્યા નંબર પરથી આવેલી ઝીપ ફાઈલ એકાઉન્ટન્ટે ઓફિસના કમ્પ્યુટરમાં વોટ્સએપ વેબ મારફતે ઓપન કરી હતી, જેથી સિસ્ટમ હેક થઈ ગઈ હતી. ત્યારબાદ સાયબર ઠગે બીજા જ દિવસે પ્રવીણ સર નામથી અને પ્રવિણના જ ડીપીવાળું એક નવું વોટ્સએપ એકાઉન્ટ બનાવી એકાઉન્ટન્ટને મેસેજ કર્યો હતો. ઠગે મેસેજમાં બેલાર ગારમેન્ટ પ્રાઇવેટ લિમિટેડના બેન્ક એકાઉન્ટની વિગતો મોકલી, પોતે મીટિંગમાં હોવાનું જણાવી તાત્કાલિક ૧,૫૦,૦૦,૦૦૦ રૂપિયા ટ્રાન્સફર કરવા કહ્યું હતું. બોસનો જ મેસેજ હોવાનું માનીને એકાઉન્ટન્ટે ઇ્ય્જીથી ૧.૫ કરોડ રૂપિયા ટ્રાન્સફર કરી દીધા હતા. થોડીવારમાં બેન્કમાંથી ટ્રાન્ઝેક્શનનો મેસેજ પ્રવિણભાઈના મોબાઈલ પર આવતા અને તેમણે એકાઉન્ટન્ટ સાથે વાત કરતા આ સમગ્ર છેતરપિંડી અંગે જાણ થઈ હતી.