કેન્દ્ર સરકાર સોમવારથી શરૂ થતા સંસદના ચોમાસુ સત્રમાં પાંચ નવા બિલ રજૂ કરશે. આમાં આવકવેરા અને MSME સુધારાઓ, સુપ્રીમ કોર્ટમાં ન્યાયાધીશોની સંખ્યા વધારવા અને જન્મ અને મૃત્યુ નોંધણી કાયદામાં સુધારો કરવા સંબંધિત દરખાસ્તો શામેલ છે. સરકાર આવકવેરા (સુધારા) બિલ, ૨૦૨૬ અને સુપ્રીમ કોર્ટ (ન્યાયાધીશોની સંખ્યા) સુધારા બિલ, ૨૦૨૬ રજૂ કરશે. આ બે બિલ અગાઉ જારી કરાયેલા વટહુકમોને બદલશે.

સરકાર જન્મ અને મૃત્યુ નોંધણી (સુધારા) બિલ, ૨૦૨૬, રાષ્ટ્રીય સન્માનના અપમાન નિવારણ (સુધારા) બિલ, ૨૦૨૬ અને સૂક્ષ્મ, નાના અને મધ્યમ ઉદ્યોગ વિકાસ (સુધારા) બિલ, ૨૦૨૬ રજૂ કરશે. આવકવેરા (સુધારા) બિલ, ૨૦૨૬, અગાઉ જારી કરાયેલા વટહુકમોને બદલવાનો હેતુ ધરાવે છે. તે ભારતના સાર્વભૌમ દેવા બજારને મજબૂત કરવા, વૈશ્વિક મૂડી રોકાણને આકર્ષવા અને વૈશ્વિક ભૂરાજકીય તણાવ, ક્રૂડ ઓઇલના ભાવમાં વધઘટ અને પુરવઠા શૃંખલામાં વિક્ષેપો વચ્ચે પ્રવાહિતા વધારવા માટે રજૂ કરવામાં આવી રહ્યું છે. ગયા મહિને, સરકારે પશ્ચિમ એશિયા કટોકટીને કારણે રૂપિયા પર વધતા દબાણને ઘટાડવા માટે વિદેશી મૂડી આકર્ષવા માટે એક વટહુકમ બહાર પાડ્યો હતો. આ વટહુકમ હેઠળ, વિદેશી રોકાણકારોને સરકારી સિક્યોરિટીઝ પર મેળવેલા વ્યાજ અને મૂડી લાભ પર આવકવેરામાં મુક્તિ આપવામાં આવી હતી. સુપ્રીમ કોર્ટ (ન્યાયાધીશોની સંખ્યા) સુધારો બિલ, ૨૦૨૬ માં ભારતના મુખ્ય ન્યાયાધીશ સિવાય સુપ્રીમ કોર્ટના ન્યાયાધીશોની મંજૂર સંખ્યા ૩૩ થી વધારીને ૩૭ કરવાનો પ્રસ્તાવ છે. આ બિલનો ઉદ્દેશ્ય પેન્ડિંગ કેસોના ઝડપી નિકાલને સરળ બનાવવાનો છે. સૂક્ષ્મ, લઘુ અને મધ્યમ ઉદ્યોગ વિકાસ (સુધારા) બિલ, ૨૦૨૬ નો ઉદ્દેશ્ય સ્જીસ્ઈ ક્ષેત્રમાં વ્યવસાય કરવાની સરળતા અને ટ્રસ્ટ-આધારિત નિયમનકારી પ્રણાલીને પ્રોત્સાહન આપવાનો, વિલંબિત ચુકવણીના મુદ્દાઓને ઉકેલવા માટેની પદ્ધતિને મજબૂત બનાવવાનો અને રાજ્યોને વધુ સત્તાઓ આપવાનો છે. જન્મ અને મૃત્યુ નોંધણી (સુધારા) બિલ, ૨૦૨૬, મૂળ ૧૯૬૯ કાયદા ની કલમ ૧૩(૩) માં સુધારો કરે છે જેથી જન્મ અને મૃત્યુની વિલંબિત નોંધણીને નિયંત્રિત કરતા નિયમોને વધુ કડક અને સુવ્યવસ્થિત બનાવી શકાય.

રાષ્ટ્રીય સન્માનના અપમાન નિવારણ (સુધારા) બિલ, ૨૦૨૬, રાષ્ટ્રીય પ્રતીકોનું અપમાન કરતા અથવા રાષ્ટ્રીય સન્માનને નુકસાન પહોંચાડતા કૃત્યો સામે વધુ કડક કાર્યવાહીની જાેગવાઈ કરવા માટે ૧૯૭૧ કાયદામાં સુધારો કરવાનો હેતુ ધરાવે છે. સરકાર સંસદમાં પહેલાથી જ પેન્ડિંગ બે બિલો પર પણ ચર્ચા આગળ વધારશે: વિદેશી યોગદાન (નિયમન) સુધારા બિલ, ૨૦૨૬, જે ૨૫ માર્ચ, ૨૦૨૬ ના રોજ લોકસભામાં રજૂ કરવામાં આવ્યું હતું, અને વિકાસિત ભારત શિક્ષા પ્રતિષ્ઠા બિલ, ૨૦૨૫, જે ૧૫ ડિસેમ્બર, ૨૦૨૫ ના રોજ રજૂ કરાયું હતું, અને પછી ુ વિચારણા માટે સંસદની સંયુક્ત સમિતિને મોકલાયું હતું. સરકાર સંસદમાં ચર્ચા અને મતદાન માટે વર્ષ ૨૦૨૨-૨૩ માટે પૂરક અનુદાનની માંગ પણ રજૂ કરશે. ૧૩ ઓગસ્ટ સુધી ચાલનારા ચોમાસુ સત્રમાં સરકાર અને વિપક્ષ વચ્ચે ઉગ્ર ચર્ચા થવાની ધારણા છે. સત્રના પહેલા દિવસે, બંને ગૃહોમાં વિપક્ષી પક્ષોના નેતાઓ સંયુક્ત રણનીતિ ઘડવા માટે મળશે.