ભારત એ અને ન્યુઝીલેન્ડ એ વચ્ચે ત્રીજી બિનસત્તાવાર ટેસ્ટ લિંકનમાં રમાઈ રહી છે. મેચના બીજા દિવસે ભારતીય ટીમે ૫ વિકેટે ૪૬૪ રન પર પોતાનો પહેલો દાવ જાહેર કર્યો.જવાબમાં, ન્યુઝીલેન્ડ એ એ દિવસની રમતના અંતે ૧૪ ઓવરમાં ૨ વિકેટે ૩૬ રન બનાવ્યા. યજમાન ટીમ હાલમાં ભારતથી ૪૨૮ રન પાછળ છે.

ભારત એ માટે યશસ્વી જયસ્વાલે સદી ફટકારી. સાઈ સુદર્શને ૮૮ રન બનાવ્યા, અને કેપ્ટન ધ્રુવ જુરેલે ૭૧ રન બનાવ્યા. તિલક વર્મા ૮૧ અને વોશિંગ્ટન સુંદર ૫૦ રન બનાવીને અણનમ રહ્યા. બંનેએ છઠ્ઠી વિકેટ માટે ૧૧૪ રનની ભાગીદારી નોંધાવી.૪૬૪ રનના જવાબમાં ન્યુઝીલેન્ડ એ ની શરૂઆત સારી રહી ન હતી. 

ચોથા ઓવરના પહેલા બોલ પર પ્રસિધ કૃષ્ણાએ રીસ મારિયોને બોલ્ડ કર્યો. તે આઠ બોલ પર કોઈ રન બનાવ્યા વિના આઉટ થયો.ત્યારબાદ પ્રસિધે ૧૦મી ઓવરના ચોથા બોલ પર કર્ટિસ હેફીને એલબીડબ્લ્યુ આઉટ કર્યો. હેફીએ ૩૫ બોલમાં ૧૯ રન બનાવ્યા, જેમાં એક ફોરનો સમાવેશ થાય છે. 

રમતના અંતે ડીન ફોક્સક્રોફ્ટ ૧૦ અને જેક ગિબ્સન એક રન પર અણનમ રહ્યા.જસપ્રીત બુમરાહે નવા બોલ સાથે છ ઓવર ફેંકી, એક મેઇડન સાથે માત્ર ૧૧ રન આપ્યા. તે વિકેટ વિના રહ્યો. પ્રસિધ કૃષ્ણાએ પાંચ ઓવરમાં ૧૨ રન આપીને બે વિકેટ લીધી. મુકેશ ચૌધરીએ બે ઓવરમાં માત્ર એક રન આપ્યો, જ્યારે મુકેશ કુમારે એક ઓવરમાં છ રન આપ્યા.યશસ્વી જયસ્વાલે ૧૩૮ બોલમાં ૧૦૨ રન બનાવ્યા. તેની ઇનિંગમાં ૧૬ ફોર અને બે સિક્સરનો સમાવેશ થાય છે. તેણે સાઈ સુદર્શન સાથે પ્રથમ વિકેટ માટે ૧૭૫ રનની ભાગીદારી કરી. સુદર્શન ૨૫૫ બોલમાં ૮૮ રન બનાવીને આઉટ થયો. 

તેણે ૧૧ ચોગ્ગા ફટકાર્યા.કેપ્ટન ધ્રુવ જુરાલે ૯૫ બોલમાં ૭૧ રન બનાવીને ૯ ચોગ્ગા અને ૨ છગ્ગા ફટકાર્યા. દેવદત્ત પડિકલ ૧૫ રન બનાવીને આઉટ થયો.આ દરમિયાન તિલક વર્માએ ૧૬૪ બોલમાં ૫ ચોગ્ગા અને ૨ છગ્ગા ફટકારીને અણનમ ૮૧ રન બનાવ્યા.

વોશિંગ્ટન સુંદરે ૧૦૭ બોલમાં ૨ ચોગ્ગા ફટકારીને અણનમ ૫૦ રન બનાવ્યા. સુંદર અને તિલક વચ્ચે ૩૩.૪ ઓવરમાં અણનમ ૧૧૪ રનની ભાગીદારી થઈ. આ જાેડીએ છેલ્લી ૧૦ ઓવરમાં ૫૬ રન ઉમેર્યા.ન્યુઝીલેન્ડ એ માટે જેક ગિબ્સન સૌથી સફળ બોલર રહ્યો, તેણે ૭૩ રન આપીને બે વિકેટ લીધી. ડેનરુ ફર્ન્સ, જેરોડ મેકકે અને કેમેરોન પોલે એક-એક વિકેટ લીધી.