પુરુષ હોકી પૂલ એ મેચમાં, ભારતીય હોકી ટીમે દક્ષિણ કોરિયાને ૮-૨ થી હરાવ્યું. ભારતે હાફટાઇમ સુધી ૫-૦ ની લીડ મેળવી. ભારત માટે શિલાનંદ લાકરાએ ચોથી મિનિટે અને સુખજીત સિંહે નવમી મિનિટે ગોલ કર્યો. 

કેપ્ટન હરમનપ્રીત સિંહે ૧૧મી મિનિટે પેનલ્ટી કોર્નરને કન્વર્ટ કરીને ભારતને ૩-૦ ની લીડ અપાવી. એક મિનિટ પછી અભિષેકે ગોલ કર્યો. દિલપ્રીત સિંહે ૨૬મી મિનિટે ગોલ કરીને ભારતને ૫-૦ ની લીડ અપાવી.ભારતે ત્રીજા ક્વાર્ટરમાં વધુ બે ગોલ કર્યા, જ્યારે કોરિયાએ પણ પોતાનો પહેલો ગોલ કર્યો. દિલપ્રીતે ભારત માટે પોતાનો બીજાે ગોલ કર્યો, અભિષેકે પોતાનો બીજાે ગોલ કર્યો. કિમ જેહોએ ૪૨મી મિનિટે દક્ષિણ કોરિયા માટે એકમાત્ર ગોલ કર્યો. ત્રીજા ક્વાર્ટર સુધી ભારત ૭-૧ થી આગળ હતું. ચોથા ક્વાર્ટરમાં, દક્ષિણ કોરિયાના કિમ યોંગબોકે ગોલ કરીને સ્કોર ૭-૨ કર્યો. રાજિન્દર સિંહે બીજાે ગોલ કરીને સ્કોર ૮-૨ કર્યો. અને ભારતે વિજય મેળવ્યો. ભારત હવે પુલ સ્ટેજમાં જાપાનનો સામનો કરશે. ભારત અને દક્ષિણ કોરિયા વચ્ચે છ ગોલનો તફાવત હતો. પુરુષોની હોકીમાં ગોલ તફાવતની દ્રષ્ટિએ આ ભારતનો દક્ષિણ કોરિયા પર સૌથી મોટો એશિયન ગેમ્સ વિજય છે. ૧૯૬૨ એશિયન ગેમ્સમાં ભારતે કોરિયાને ૫-૦થી હરાવ્યું હતું, ભારતનો વિજય માર્જિન પાંચ ગોલ હતો. ૨૦૨૬ એશિયન ગેમ્સમાં દક્ષિણ કોરિયા પર ભારતનો ૮-૨થી વિજય છ ગોલનો તફાવત હતો, જેણે ૧૯૬૨નો ૬૪ વર્ષ જૂનો રેકોર્ડ તોડ્યો. ભારત હજુ પણ પુલ સ્ટેજમાં જાપાન અને બાંગ્લાદેશનો સામનો કરશે.