મુંબઇ 

કામ્યા પંજાબીનો પતિ શલભ ડાંગ આજે (27 ઓક્ટોબર) પોતાનો બર્થ ડે સેલિબ્રેટ કરી રહ્યો છે. જેને લઈને એક્ટ્રેસ ખૂબ જ ઉત્સાહિત છે. પતિના બર્થ ડે પર તેની સાથે રહેવા માટે તે મુંબઈથી દિલ્હી પહોંચી ગઈ છે. તેણે ઈન્સ્ટાગ્રામ પર પતિ સાથેની કોઝી તસવીર શેર કરી છે. સાથે જ નાની પરંતુ સ્વીટ નોટ લખી છે.

કામ્યા પંજાબીએ લખ્યું છે કે, 'હેપી બર્થ ડે માટ હાર્ટ ❤️. ખુશ રહો આબાદ રહો અને મને મને હંમેશા પ્રેમ કરતા રહો. હું તમને પ્રેમ કરું છું પતિ

આ પહેલા કામ્યાએ ઈન્સ્ટાગ્રામ પર એક પોસ્ટ શેર કરી હતી. જેમાં તે પતિના બર્થ ડે પર કંઈક સરપ્રાઈઝ પ્લાન કરી રહી હોવાનું ફેન્સને જણાવ્યું હતું. તેણે તેમ પણ કહ્યું હતું કે, તે પતિની સાથે રહેવા માટે દિલ્હી જવાની છે. એક્ટ્રેસ હાલ 'શક્તિઃ અસ્તિત્વ કે અહેસાસ કી'માં જોવા મળી રહી છે, જેના કારણે તેણે મુંબઈમાં જ રહેવું પડે છે. કામ્યાએ લગ્નના દિવસની તસવીર શેર કરી હતી અને લખ્યું હતું કે, 'જો બ્લરમાં છે મારા જીવનનો ફોકસ તે જ છે. અને તેનો બર્થ ડે આવી રહ્યો છે. હું ખૂબ જ ઉત્સાહિત છું પતિ. તૈયાર રહેજો તમારી પત્ની આવી રહી છે. હું ત્યાં સુધી સરપ્રાઈઝ જાળવી રાખીશ તેવી આશા છે. તેઓ મારા બેસ્ટ ફ્રેન્ડ પણ છે. ખૂબ મુશ્કેલી થઈ રહી છે. હું કેવી રીતે શેર ન કરું'.

કામ્યાના બર્થ ડે પર (13 ઓગસ્ટ) તેના પતિ શલભ ડાંગે એક સુંદર કેક સાથે તેને સરપ્રાઈઝ આપી હતી. આ વર્ષના ફેબ્રુઆરી મહિનામાં કામ્યા અને શલભના લગ્ન થયા હતા. પોતાના પ્રોફેશનલ કમિટમેન્ટ્સના કારણે બંને અલગ શહેરમાં રહે છે.

કામ્યાએ જણાવ્યું હતું કે, 'લોકડાઉન અમારા માટે આશીર્વાદ બનીને આવ્યું. કારણ કે અમને ત્રણ મહિના સાથે રહેવા મળ્યું. હવે તે દિલ્હીમાં છે અને હું મુંબઈ આવી ગઈ છું. હું તેમને મિસ કરી રહી છું. પરંતુ હું સમજી છું કે તેમને પણ ત્યાં કામ છે તેથી વારંવાર મળવું શક્ય નથી. ફોન કોલ્સ, વીડિયો કોલ્સ અને મેસેજ અમને સાથે રાખે છે'