ભારતીય કુસ્તીબાજ કોમલે શુક્રવારે અંડર-૨૩ વર્લ્ડ ચેમ્પિયનશિપમાં મહિલા ૫૯ કિગ્રા કુસ્તી સ્પર્ધામાં બ્રોન્ઝ મેડલ જીત્યો. કોમલે બ્રોન્ઝ મેડલ મુકાબલામાં કઝાકિસ્તાનની વિક્ટોરિયા ખુસૈનોવાને ૭-૨થી હરાવી હતી. તેણીએ મોલ્ડોવાની મદાલિના પ્રિસાકારીને ૮-૩થી હરાવતા પહેલા કેનેડિયન કુસ્તીબાજ એલા મેરી ફાઇન્ડિંગને હરાવીને પોતાના અભિયાનની શરૂઆત કરી હતી. જાેકે, તે યુક્રેનની એલિના ફિલિપોવિચ સામે ૧-૧૩ થી હારી ગઈ. જાેકે, કોમલે બ્રોન્ઝ મેડલ મેચમાં શાનદાર વાપસી કરીને દેશ માટે મેડલ જીત્યો. દરમિયાન, અમૃતા પૂજારીએ સેમિફાઇનલમાં વેનજિન કિયુને હરાવીને મહિલાઓની ૭૨ કિગ્રા શ્રેણીની ફાઇનલમાં પ્રવેશ કર્યો. હવે તે શનિવારે ગોલ્ડ મેડલ મુકાબલામાં યુક્રેનની ઇરીના ઝાબ્લોત્સ્કા સામે ટકરાશે. દરમિયાન, સ્વીટી (૫૩ કિગ્રા) અને વૈષ્ણવી પાટિલ (૬૫ કિગ્રા) પોતપોતાના ક્વાર્ટર-ફાઇનલ મુકાબલા હારી ગયા હોવા છતાં, રેપચેજ દ્વારા બ્રોન્ઝ મેડલ માટે હજુ પણ દાવેદાર છે. ૫૩ કિગ્રા વર્ગમાં, સ્વિટી ક્વાર્ટર ફાઇનલ મુકાબલામાં ક્રિસ્ટલ રોડ્રિગ્ઝ ડોબલર સામે ૨-૧૧થી હારી ગઈ હતી.