વડોદરા : કરજણ તાલુકાના કરખડી ગામે કુરાઈ તાલુકા પંચાયત તેમજ જિલ્લા પંચાયતની બેઠક પર કોવિડ પોઝિટિવ દંપતીએ પીપીઈ કિટ પહેરીને તમામ તકેદારી સાથે મતદાન કર્યું હતું. તંત્ર દ્વારા સુરક્ષિત રીતે મતદાન કરવા માટે તમામ વ્યવસ્થા કરવામાં આવી હતી. મળતી માહિતી મુજબ કોવિડ પોઝિટિવ આવેલા દંપતી કરજણના સુમેર ખાતે કોવિડ કેર સેન્ટરમાં સારવાર લઈ રહ્યા છે. ત્યાંથી મતદાન કરવા માટે પીપીઈ કિટ સહિત તમામ તકેદારી સાથે આવ્યા હતા.