સોમવારે એશિયન પેરા ગેમ્સ ૨૦૨૬માં સૌમ્યા, રાધા વેંકટેશ અને રક્ષિતા રાજુએ પેરા-એથ્લેટિક્સમાં ભારતના મેડલ ટેલીમાં ઉમેરો કર્યો. સૌમ્યા (માર્ગદર્શક ભરત કુમાર સાથે) એ જાપાનના નાગોયામાં મિઝુહો પાર્ક એથ્લેટિક સ્ટેડિયમ ખાતે મહિલાઓની ૧૫૦૦ મીટર ફાઇનલ ઇવેન્ટમાં ગોલ્ડ મેડલ જીત્યો, જ્યારે રાધા (માર્ગદર્શક ગોવિંદ સોલંકી સાથે) એ જ ઇવેન્ટમાં સિલ્વર મેડલ જીત્યો.

સૌમ્યા એ ૫:૧૨.૩૯ સેકન્ડ (૬૨૧ રઝા પોઈન્ટ) ના સમય સાથે પ્રથમ સ્થાન મેળવ્યું, જ્યારે રાધા  ૫:૩૦.૯૦ સેકન્ડ (૪૨૧ રઝા પોઈન્ટ) ના સમય સાથે બીજા સ્થાને રહી. જાપાનની માના સાસાકી  એ બ્રોન્ઝ મેડલ જીત્યો. સાસાકીએ ૫:૧૨.૧૫ સેકન્ડનો સમય કાઢ્યો પરંતુ ૩૩૬ રઝા પોઈન્ટ મેળવ્યા, જેનાથી તેણીને બ્રોન્ઝ મેડલ મળ્યો.

‘રઝા પોઈન્ટ્સ‘ એ એક ગાણિતિક સ્કોરિંગ સિસ્ટમ છે જેનો ઉપયોગ વિવિધ વિકલાંગતા શ્રેણીઓના ખેલાડીઓના પ્રદર્શનની નિરપેક્ષપણે તુલના કરવા માટે થાય છે.દરમિયાન, ભારતની રક્ષિતા રાજુ, જેણે મહિલાઓની ૧૫૦૦ મીટરઇવેન્ટમાં બ્રોન્ઝ મેડલ જીત્યો હતો, તેને નિયમનું ઉલ્લંઘન કરવા બદલ ગેરલાયક ઠેરવવામાં આવી હતી. પરિણામે, અન્ય એક ભારતીય ખેલાડી, રવન્ની વલસાનીને ત્રીજા સ્થાને બઢતી આપવામાં આવી હતી. રક્ષિતા (માર્ગદર્શક તબરેઝ ખાન) ૫:૩૧.૪૫ સેકન્ડના સમય સાથે દોડમાં ત્રીજા સ્થાને રહી હતી, જ્યારે રવન્ની (માર્ગદર્શક રાહુલ બાલકૃષ્ણ) ૫:૪૧.૮૫ સેકન્ડના સમય સાથે ચોથા સ્થાને રહી હતી.

જાેકે, રક્ષિતાને નિયમ ના ઉલ્લંઘન બદલ ગેરલાયક ઠેરવવામાં આવી હતી. આ નિયમ કપડાં, ફૂટવેર અને બિબ (ઓળખ કાર્ડ/નંબર) નું પાલન ન કરવા સંબંધિત છે. પરિણામે, રવન્નીને ત્રીજું સ્થાન આપવામાં આવ્યું અને તેણે બ્રોન્ઝ મેડલ જીત્યો.