સુરતના સિંગણપોર વિસ્તારમાં આવેલી અર્ચના સોસાયટીમાં રહેતા ૨૩ વર્ષીય યુવકે ગળેફાંસો ખાઈ આપઘાત કરી લીધો હતો. પ્રેમ પ્રકરણમાં અંતિમ પગલું ભર્યાની શક્યતા છે. ૨૩ વર્ષીય જીંકલભાઈ શૈલેષભાઈ ડુંગરાણી હાલ સુરતના સિંગણપોરમાં અર્ચના સોસાયટીમાં રહેતા હતા. તેઓ ઓનલાઈન વેચાણના વ્યવસાય સાથે સંકળાયેલા હતા. તેમના પિતા નિવૃત્ત છે અને પરિવારમાં એક ભાઈ પણ છે. જીંકલભાઈએ ગત રાત્રે પોતાના ઘરે પંખા સાથે દુપટ્ટો બાંધી ગળે ફાંસો ખાઈ જીવન ટૂંકાવી લીધુ હતું. આપઘાતના બનાવ અંગે સિંગણપોર પોલીસે આગળની કાર્યવાહી સાથે વધુ તપાસ શરૂ કરી હતી. મૃતકે પ્રેમ પ્રકરણમાં અંતિમ પગલું ભર્યાની શક્યતા છે.