ભારતીય પુરુષ કબડ્ડી ટીમે એશિયન ગેમ્સ ૨૦૨૬ માં પોતાનો પ્રભાવશાળી દેખાવ ચાલુ રાખ્યો છે. સેમિફાઇનલ માટે ક્વોલિફાય કરીને મેડલનું સ્થાન પહેલાથી જ સુરક્ષિત કરી લીધા પછી, ભારતીય ટીમે ચાઇનીઝ તાઇપેઈ સામે ૩૭-૨૧ થી જીત મેળવીને મજબૂત પ્રદર્શન કર્યું છે.

ભારતીય રાઇડર્સે ચાઇનીઝ તાઇપેઇના ડિફેન્સ પર સંપૂર્ણ પ્રભુત્વ જમાવ્યું હતું. ભારતીય ટીમે પહેલા હાફમાં પ્રભુત્વ જમાવ્યું, પહેલા હાફમાં ૨૩-૧૧ની જંગી લીડ મેળવી. પહેલા હાફમાં ચાઇનીઝ તાઇપેઇના ડિફેન્ડર્સ ભારતીય રાઇડર્સ સામે સંપૂર્ણપણે લાચાર જાેવા મળ્યા હતા. ભારતીય ટીમનો ડિફેન્સ પણ ખૂબ મજબૂત જાેવા મળ્યો હતો. ભારતીય ટીમે બીજા હાફમાં પણ પોતાનો મજબૂત દેખાવ ચાલુ રાખ્યોહતો. જાેકે ચાઇનીઝ તાઇપેઈના ડિફેન્સે પહેલા હાફ કરતાં બીજા હાફમાં વધુ સારું પ્રદર્શન કર્યું હતું. ભારતે બીજા હાફમાં કુલ ૧૪ પોઈન્ટ બનાવ્યા, જ્યારે ચાઇનીઝ તાઇપેઈ ફક્ત ૧૦ પોઈન્ટ જ મેળવી શક્યું. આ જીત સાથે, સુનીલ કુમારના નેતૃત્વ હેઠળની ભારતીય કબડ્ડી ટીમે ૨૦૨૬ એશિયન ગેમ્સમાં પોતાનો વિજય ક્રમ ચાલુ રાખ્યો. ભારતીય ટીમ સેમિફાઇનલમાં થાઇલેન્ડ સામે ટકરાશે . 

ભારત એશિયન ગેમ્સના ઇતિહાસમાં સૌથી સફળ ટીમ રહી છે. ટીમ ઇન્ડિયાએ નવ વખત ટુર્નામેન્ટમાં ભાગ લીધો છે, આઠ વખત ગોલ્ડ મેડલ જીત્યો છે. ફક્ત ૨૦૧૮ માં જકાર્તામાં યોજાયેલી એશિયન ગેમ્સમાં જ ભારતીય પુરુષ કબડ્ડી ટીમને બ્રોન્ઝ મેડલથી સંતોષ માનવો પડ્યો હતો.