યુએસ જિમ્નાસ્ટિક્સ કોચ સીન ગાર્ડનરને ૯૦ વર્ષની જેલની સજા ફટકારવામાં આવી છે. યુએસ ડિસ્ટ્રિક્ટ જજ ક્રિસ્ટી જાેહ્ન્સનને બુધવારે સજાની જાહેરાત કરી. ગાર્ડનરની ૨૦૨૫ માં હ્લમ્ૈં દ્વારા ધરપકડ કરવામાં આવી હતી. તેણે ડિસેમ્બર ૨૦૧૭થી એપ્રિલ ૨૦૧૮ની વચ્ચે ૧૦થી વધુ સગીર વિદ્યાર્થીનીઓના નગ્ન વીડિયો બનાવ્યા હતા.

 તેણે જીમના બાથરૂમમાં છુપાયેલ કેમેરા લગાવ્યો હતો. આ વીડિયો ઘણા વર્ષો પછી ગાર્ડનરના કમ્પ્યુટર પર મળી આવ્યા હતા. કોર્ટે ગાર્ડનરને ત્રણ ગુનામાં દોષિત ઠેરવ્યા હતા. ન્યાયાધીશે દરેક આરોપમાં મહત્તમ ૩૦ વર્ષની જેલની સજા ફટકારી હતી. ગાર્ડનર ૩૯ વર્ષનો છે. ગાર્ડનર આયોવાના વેસ્ટ ડેસ મોઇન્સમાં ચૌસ જિમ્નેસ્ટિક્સ અને ડાન્સ ઇન્સ્ટિટ્યૂટમાં પણ કોચિંગ કરતો હતો. ત્યાં તાલીમ લેનારી ઘણી ભૂતપૂર્વ મહિલા વિદ્યાર્થીઓએ તેના પર જાતીય શોષણનો આરોપ લગાવ્યો છે.

 પોલીસ ફરિયાદો અને મુકદ્દમા દાખલ કરવામાં આવ્યા છે. જાેકે, આયોવાના આરોપોના સંદર્ભમાં ગાર્ડનર પર હજુ સુધી ફોજદારી આરોપ મૂકવામાં આવ્યો નથી. પોલીસ કહે છે કે ફેડરલ કેસ પૂર્ણ થયા પછી આગળની કાર્યવાહી અંગે ર્નિણય લેવામાં આવશે. 

ગાર્ડનર પ્રખ્યાત કોચ લિયાંગ “ચાઉ” ચિયાઓના સંગઠનમાં કામ કરતા હતા. તેમણે યુવા ખેલાડીઓને તાલીમ આપી હતી અને આયોવામાં યોજાયેલી એક મોટી વાર્ષિક સ્પર્ધાના ડિરેક્ટર પણ હતા.કેટલાક ભૂતપૂર્વ વિદ્યાર્થીઓના વકીલોનો આરોપ છે કે યુએસએ જિમ્નેસ્ટિક્સ અને યુએસ સેન્ટર ફોર સેફસ્પોર્ટને ૨૦૧૭ ની શરૂઆતમાં ગાર્ડનરના અયોગ્ય વર્તન વિશે જાણ થઈ હતી, પરંતુ તેમને રમતમાંથી દૂર કરવામાં વિલંબ થયો હતો. ચાઉ જિમ્નાસ્ટ દ્વારા જાતીય હુમલો કરવાના આરોપો બાદ સેફસ્પોર્ટે ૨૦૨૨ માં ગાર્ડનરને અસ્થાયી રૂપે સસ્પેન્ડ કર્યો હતો. આ પછી, ચાઉએ ગાર્ડનરને બરતરફ કર્યો.સેફસ્પોર્ટે જણાવ્યું હતું કે તપાસ દરમિયાન, તેને જાણવા મળ્યું કે ચાઉ અને અન્ય કોચ ગાર્ડનર સામેના જાતીય ગેરવર્તણૂકના આરોપોથી વાકેફ હતા. સંસ્થાના જણાવ્યા મુજબ, તેઓએ તેની નીતિ મુજબ સેફસ્પોર્ટને આ આરોપોની જાણ કરી ન હતી.મે મહિનામાં, એક ન્યાયાધીશે ગાર્ડનરની તપાસમાં ગેરવર્તણૂકનો આરોપ લગાવતા બે મુકદ્દમાઓમાંથી સેફસ્પોર્ટને દૂર કર્યો. ન્યાયાધીશે ચુકાદો આપ્યો કે સંસ્થાને ફેડરલ કાયદા હેઠળ કાનૂની રક્ષણ છે. ગાર્ડનર, યુએસએ જિમ્નેસ્ટિક્સ અને ચોઝ જિમ્નેસ્ટિક્સ સામે અનેક મુકદ્દમા હજુ પણ પેન્ડિંગ છે.