દિલ્હી યુનિવર્સિટીએ પોતાના વિદ્યાર્થીઓ અને ફેકલ્ટી માટે મહત્વપૂર્ણ એડવાઇઝરી જાહેર કરી છે. યુનિવર્સિટીએ જંતર-મંતર પર ચાલી રહેલા વિરોધ પ્રદર્શનથી દૂર રહેવાની સલાહ આપી છે. એડવાઇઝરીમાં જણાવાયું છે કે ગેરકાયદેસર સભા અથવા વિરોધ પ્રદર્શનમાં ભાગ લેવાથી કાયદાકીય કાર્યવાહી થઈ શકે છે, જેની અસર વિદ્યાર્થીઓના અભ્યાસ અને ભવિષ્ય પર પડી શકે છે.

આ સાથે સોશિયલ મીડિયા પર ફેલાતી ભ્રામક માહિતીથી પણ સાવચેત રહેવા અપીલ કરવામાં આવી છે. બીજી તરફ, IIT-રૂડકીએ પણ પોતાની એડવાઇઝરી અંગે સ્પષ્ટતા કરતાં જણાવ્યું છે કે વિદ્યાર્થીઓને મોકલાયેલ સૂચના નિયમિત પ્રક્રિયાનો જ એક ભાગ છે. આ સમગ્ર ઘટનાક્રમ બાદ વિદ્યાર્થીઓની સુરક્ષા અને વિરોધના અધિકારને લઈને નવી ચર્ચા શરૂ થઈ છે.