ન્યૂ દિલ્હી

ભારતીય બેંકો પાસેથી હજારો કરોડ રૂપિયા લઇને દેશમાંથી ભાગી ગયેલા ભાગેડુ હીરાના વેપારી મેહુલ ચોક્સીએ સોગંદનામામાં દાવો કર્યો છે કે તે કાયદો પાલન કરનાર નાગરિક છે અને યુ.એસ. માં સારવાર માટે જ ભારત છોડી ગયો છે. મેહુલ ચોક્સીએ તેની પૂછપરછ માટે ભારતીય અધિકારીઓને આમંત્રણ આપ્યું છે. તેમણે કહ્યું હતું કે ભારતીય અધિકારીઓ તેમની વિરુદ્ધ ચાલી રહેલી તપાસ અંગે જે પ્રશ્નો પૂછવા માંગે છે તે પૂછી શકે છે.

એક અહેવાલ મુજબ ફરાર ઉદ્યોગપતિએ ડોમિનિકા હાઈકોર્ટમાં આઠ પાનાનું સોગંદનામું દાખલ કર્યું છે કે મેં ભારતીય અધિકારીઓને મારો ઇન્ટરવ્યુ લેવાનું કહ્યું છે અને કોઈ પણ તપાસ અંગે કોઈ પ્રશ્નો પૂછવા કહ્યું છે. દેશ છોડવા અંગે મેહુલ ચોક્સીએ કહ્યું કે હું ક્યારેય ભારતીય એજન્સીઓથી ભાગ્યો નથી. જ્યારે હું અમેરિકામાં સારવાર લેવા દેશ છોડ્યો ત્યારે મારી સામે કોઈ ર્વોરંટ નહોતું.

પંજાબ નેશનલ બેંક (પી.એન.બી.) ના રૂ. ૧૩,૫૦૦ કરોડના છેતરપિંડી કેસમાં વોન્ટેડ હીરા વેપારી હાલમાં ડોમિનિકા પોલીસની કસ્ટડીમાં છે અને ડોમિનિકન મેજિસ્ટ્રેટ કોર્ટે તેને જામીન આપવાનો ઇનકાર કરી દીધો છે. ચોક્સીને ૨૩ મેના રોજ કેરેબિયન ટાપુ રાષ્ટ્રમાં ગેરકાયદેસર પ્રવેશ કરવા બદલ ધરપકડ કરાઈ હતી.

ચોક્સીએ જાન્યુઆરી ૨૦૧૮ માં ભારત ભાગી જતાં પહેલાં, ૨૦૧૭ માં કેરેબિયન ટાપુ રાષ્ટ્ર એન્ટિગુઆ અને બાર્બુડાની નાગરિકતા મેળવી હતી. ચોક્સી અને તેના ભત્રીજા નીરવ મોદી પર કેટલાક બેંક અધિકારીઓની સાથે મળીને ૧૩,૫૦૦ કરોડ રૂપિયાની પી.એન.બી. સાથે બદનામી કરવાનો આરોપ છે. નીરવ મોદી હાલમાં લંડનની જેલમાં બંધ છે. સીબીઆઈ બંને સામે તપાસ કરી રહી છે.

તેની પર ડોમિનીકા હાઈકોર્ટ અને મેજિસ્ટ્રેટ કોર્ટમાં સુનાવણી ચાલી રહી છે. હાઇકોર્ટે ર્નિણય લેવો પડશે કે ચોક્સીની ડોમિનિકામાં પ્રવેશ કાયદેસરની હતી કે ગેરકાયદેસર? તે જ સમયે એ પણ નક્કી કરવાનું છે કે પોલીસે તેની કાયદેસર રીતે ગેરકાયદેસર ધરપકડ કરી છે કે કેમ? ત્યારબાદ જ ચોક્સીને બીજા દેશમાં સોંપવાનો ર્નિણય લેવામાં આવશે.

ચોક્સીના જામીન નામંજૂર કરતાં કોર્ટે આગામી સુનાવણી ૧૪ જૂને નક્કી કરી છે. દરમિયાન ભારત દ્વારા ડોમિનિકાથી મેહુલ ચોક્સીને પરત લાવવા માટે મોકલવામાં આવેલી વિવિધ એજન્સીઓના અધિકારીઓની ટીમ શુક્રવારે ખાનગી કતાર એરવેઝના વિમાનમાં પરત આવી હતી.