મુંબઇ,તા.૨

વાનખેડે સ્ટેડિયમમાં મુંબઈ ઈન્ડિયન્સ અને રાજસ્થાન રોયલ્સ વચ્ચેની મેચમાં રોહિત શર્મા થોડી ક્ષણો માટે ડરી ગયો. બન્યું એવું કે ચાલુ મેચ દરમિયાન એક પ્રશંસક પાછળથી રોહિત શર્માનો સંપર્ક કર્યો. રોહિતનો ફેન એ રીતે તેની પાસે ગયો કે રોહિત એકદમ ચોંકી ગયો. આ પછી પ્રશંસકે તેને ગળે લગાવ્યો અને પછી સુરક્ષાકર્મીઓ તેને લઈ ગયા.આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. તમને જણાવી દઈએ કે આ મેચમાં ફરી એકવાર ફેન્સ રોહિતને સપોર્ટ કરી રહ્યા છે. આ પહેલા આરસીબી મેચમાં પણ એક દર્શક મેદાનમાં ઘુસીને વિરાટ કોહલીને મળ્યો હતો.

જ્યારે આ ફેન રોહિત પાસે પહોંચ્યો ત્યારે તે સ્લિપમાં ઉભો હતો અને બીજા ફિલ્ડરને કેટલીક સૂચનાઓ આપી રહ્યો હતો. તેણે તેના પર બિલકુલ ધ્યાન ન આપ્યું. આટલું જ નહીં તેની બાજુમાં ઊભેલો વિકેટ કીપર ઈશાન પણ આ તરફ ધ્યાન આપી શક્યો નહીં. આવી સ્થિતિમાં, જ્યારે ફેન અચાનક રોહિતને ગળે લગાવવા માંગતો હતો, ત્યારે તે ચોંકી ગયો હતો અને પાછળ ગયો હતો. તે જ સમયે તેની બાજુમાં ઉભેલા ઈશાન કિશન પણ ચોંકી ગયો. જાે કે આ પછી રોહિતે પોતાના ફેન્સની ઈચ્છા પૂરી કરી અને તેને ગળે લગાડ્યો. આ પછી ફેન્સ પણ તેની સાથે હાથ મિલાવવા માંગતો હતો.ગ્રાઉન્ડ પર હાજર રોહિતને ગળે લગાવ્યા અને હાથ મિલાવ્યા પછી આ ફેન ઈશાન કિશન તરફ વળ્યો. પછી તેણે ઈશાન કિશનને પણ ગળે લગાડ્યો અને આ પછી તે પોતાના બંને હાથ હવામાં લહેરાતા ખુશીથી મેદાનની બહાર ભાગવા લાગ્યો.