સંસ્કારી નગરી વડોદરામાં ગણેશોત્સવની ધામધૂમપૂર્વક ઉજવણી થઈ રહી છે, ત્યારે 'લોકસત્તા જનસત્તા'ની વડોદરા ઓફિસ ખાતે સ્થપાયેલા વિઘ્નહર્તા ગણેશજીના દરબારમાં ભક્તિમય માહોલ જોવા મળ્યો હતો. 'લોકસત્તા જનસત્તા' ઓફિસ ખાતે આયોજિત ગણપતિ બાપ્પાની સાંજની મહાઆરતીમાં વડોદરા સેન્ટ્રલ જેલના સુપ્રિટેન્ડેન્ટ ઉષા રાડા વિશેષ ઉપસ્થિત રહ્યા હતા. તેમણે ગણેશજીના શ્રીચરણોમાં શીશ નમાવી આશીર્વાદ મેળવ્યા હતા અને મહાઆરતીનો લાભ લીધો હતો. આ પ્રસંગે ઉપસ્થિત લોકસત્તા પરિવારના સભ્યો અને ભક્તોએ બાપ્પાના જયઘોષ સાથે વાતાવરણ ગુંજવી મૂક્યું હતું. ઉષા રાડાએ ગણેશજી સમક્ષ રાજ્યમાં સુખ, શાંતિ અને સમૃદ્ધિની પ્રાર્થના કરી હતી.