મુંબઇ- 

મુંબઈ પોલીસ ટૂંક સમયમાં બોલીવુડ ડિરેક્ટર અનુરાગ કશ્યપને પૂછપરછ માટે સમન્સ મોકલશે. અનુરાગ કશ્યપ પર એક અભિનેત્રી દ્વારા બળાત્કારનો આરોપ લગાવવામાં આવ્યો છે. બળાત્કારનો કેસ દાખલ કરનારી અભિનેત્રીની લડત હવે કેન્દ્રીય મંત્રી રામદાસ આઠવલે લડશે. આ માટે, આઠવલે આજે બપોરે મહારાષ્ટ્રના રાજ્યપાલ ભગતસિંહ કોશ્યરીને મળવા જઈ રહ્યા છે. આઠાવલેએ મુંબઈ પોલીસને ડિરેક્ટરની ધરપકડ કરવાની માંગ કરી છે

આઠાવલેએ કહ્યું, "મુંબઈ પોલીસે અનુરાગ કશ્યપની ધરપકડ કરી, નહીં તો અમે જલ્દી જ ધરણા પર બેસીશું." મંત્રીનો ટેકો મળ્યા બાદ અભિનેત્રીએ સોશિયલ મીડિયા પર તેમનો આભાર માન્યો.

અભિનેત્રીએ ગત સપ્તાહે વાસોરવા પોલીસ સ્ટેશનમાં ફિલ્મ નિર્માતા અનુરાગ કશ્યપ વિરુદ્ધ એફઆઈઆર નોંધાવી હતી. એફઆઈઆરમાં કશ્યપ સામેના આરોપોમાં બળાત્કાર, દુષ્કર્મ અને મહિલાનું અપમાન કરવાનો સમાવેશ છે. એવો આરોપ છે કે 2014 માં તેની પર જાતીય હુમલો કરવામાં આવ્યો હતો. જો કે, અનુરાગે તેની ઉપર લાગેલા આરોપોને નકારી દીધા છે. 



Comments

કોમેન્ટ પોસ્ટ કરવા માટે લાગિન કરો