મુંબઇ
બિગ બોસ ૧૪ના સોમવારના એપિસોડમાં સ્પર્ધકો પોતાના જીવનના સૌથી મોટા સિક્રેટ્સ નેશનલ ટીવી પર ઉજાગર કરતાં જોવા મળ્યા. બિગ બોસ દ્વારા એક ટાસ્ક આપવામાં આવ્યું હતું, જેમાં સ્પર્ધકોએ તેમના જીવન સાથે જોડાયેલા સૌથી ખાસ સિક્રેટ્સ અંગે ખુલાસો કરવાનો હતો. આ ટાસ્ક દ્વારા સ્પર્ધકોને ફિનાલે સુધી પહોંચવા માટે ઇન્યુનિટી સ્ટોન જીતવાનો મોકો મળ્યો હતો.
આ ટાસ્ક દરમિયાન એજાઝ ખાને જણાવ્યું કે, બાળપણમાં તેની સાથે મોલેસ્ટેશન થયું હતું. બાળપણમાં કોઇ વ્યક્તિએ તેની સાથે મોલેસ્ટેશન કર્યું હતું. આ કારણે જ તેને ફિઝિકલ ટચથી આજ સુધી પરેશાની થાય છે. એજાઝે કહ્યું કે, આ અંગે મને શર્મ નથી. કેમ કે, તે મારી ભૂલ નહોતી. આ વાતનો ઉલ્લેખ તેણે પોતાના પિતા સમક્ષ પણ કર્યો નથી. જીવનના ડાર્ક ફેઝ વિશે વાત કરતાં એજાઝ ખૂબ રડ્યો હતો.
એજાઝને રડતો જોઇ કવિતા કૌશિકે તેને આશ્વાસન આપ્યું હતું. સાથે જ ટાસ્ક દરમિયાન કવિતાએ કહ્યું હતું કે, જ્યારે તે વિદ્યાર્થી હતી ત્યારે તેના શિક્ષકે તેને મોલેસ્ટ કરી હતી.
જ્યારે નિક્કી તંબોલીએ જણાવ્યું હતું કે, લગભગ ૧૯ વર્ષની ઉંમરે તેનું અપહરણ થયું હતું. આ ઘટના તેના ઇન્ટરનેશનલ મોડલિંગ એસાઇનમેન્ટ દરમિયાન બની હતી.
ટાસ્ક દરમિયાન રૂબીનાએ ખુલાસો કર્યો હતો કે, રુબીના-અભિનવના સંબંધો છૂટાછેડા સુધી પહોંચી ગયા હતા. તેમણે એકબીજાને નવેમ્બર સુધીનો સમય આપ્યો હતો. મારું અને અભિનવનું બિગ બોસમાં આવવા પાછળનું કારણ આ જ છે. જો અમે અહીં સાથે ન આવ્યા હોત તો સાથે પણ ન રહી શક્યા હોત.
Loading ...