ન્યૂ દિલ્હી

ઇએસઆર ભારત તેની વિસ્તરણ યોજનાના ભાગરૂપે ગુજરાતમાં ઔદ્યોગિક ઉદ્યાન વિકસાવવા માટે આશરે ૩૦૦ કરોડ રૂપિયાનું રોકાણ કરશે. ઇએસઆર એ અગ્રણી ઔદ્યોગિક અને લોજિસ્ટિક રીઅલ એસ્ટેટ પ્લેટફોર્મ છે. તે મુખ્યત્વે એશિયા પેસિફિક ક્ષેત્રના બજારો પર ધ્યાન કેન્દ્રિત કરે છે.

કંપનીએ ગુરુવારે એક નિવેદનમાં ૩૬.૫ એકરમાં ઔદ્યોગિક અને લોજિસ્ટિક્સ પાર્ક બનાવવાની યોજના જાહેર કરી છે. આ પાર્ક ગુજરાતના જાલીસાણા ખાતે સ્થાપવામાં આવશે જે ઉત્તર ગુજરાતનું ઉભરતું ઔદ્યોગિક કેન્દ્ર છે.

કંપનીએ માહિતી આપી હતી કે સૂચિત આ પાર્ક એન્જિનિયરિંગ, ઇલેક્ટ્રોનિક્સ ઉર્જા, બાંધકામ, મશીનરી, ઓટોમોબાઈલ, ઓટો-આનુષંગિકરણ, ઇ-કોમર્સ અને ૩ પીએલ કંપનીઓના વિસ્તરણ અને કુલ અન્ય જરૂરિયાતોને પૂર્ણ કરશે. આ પાર્ક દિલ્હી-મુંબઇ ઔદ્યોગિક કોરિડોરથી પણ સારી રીતે જોડાયેલ છે.

ઇએસઆરના સીઇઓ અભિજીત મલકાનીએ કહ્યું, “અમે દેશના સૌથી ઝડપથી વિકસતા ઔદ્યોગિક ક્ષેત્રમાંના એકમાં પ્રવેશ કરવા માટે ઉત્સાહિત છીએ. અમે આ ક્ષેત્રમાં ઔદ્યોગિક અને વેરહાઉસિંગ પ્રવૃત્તિને વધુ વધારવા માટે ગ્રેડ એ જગ્યામાં ફાળો આપવા તૈયાર છીએ. " તેમણે કહ્યું કે આ પાર્કના વિકાસ માટે અંદાજીત રૂ. ૩૦૦ કરોડનું રોકાણ છે.


Comments

કોમેન્ટ પોસ્ટ કરવા માટે લાગિન કરો