ઈરાન-અમેરિકા યુદ્ધને છ મહિના પણ થયા નથી, પરંતુ સુપરપાવર અમેરિકા ઈરાન સામે પહેલેથી જ અનિશ્ચિત સ્થિતિમાં છે. એક અહેવાલમાં દાવો કરવામાં આવ્યો છે કે અમેરિકાના સૌથી જરૂરી જથ્થો ખાલી થવાના આરે છે અને ડોનાલ્ડ ટ્રમ્પ કોઈ કારણ વગર ઈરાન સાથે વાટાઘાટો કરવા સંમત થયા નથી. આ પાછળનું કારણ ગંભીર છે.ઈરાન સાથેના યુદ્ધ દરમિયાન અમેરિકાએ તેની મુખ્ય મિસાઈલોનો નોંધપાત્ર ભાગ વાપરી નાખ્યો છે. મીડિયા રિપોર્ટ્સ અનુસાર, આનાથી યુએસ સેનાની ભાવિ લશ્કરી તૈયારીઓ અંગે ચિતા વધી છે. એક રિપોર્ટ અનુસાર, યુએસ લશ્કરી મૂલ્યાંકનમાં સામેલ ઘણા અધિકારીઓએ જણાવ્યું હતું કે યુદ્ધ શરૂ થયું ત્યારથી, યુએસએ તેની થાડ મિસાઇલ સિસ્ટમમાં લગભગ ૮૦ ટકા ઇન્ટરસેપ્ટર્સનો ઉપયોગ કર્યો છે. આ સિસ્ટમનો ઉપયોગ દુશ્મન બેલિસ્ટિક મિસાઇલોને હવામાં નષ્ટ કરવા માટે થાય છે. વધુમાં, યુએસએ તેની પેટ્રિઅટ મિસાઇલ સંરક્ષણ પ્રણાલીમાં લગભગ ૫૦ ટકા ઇન્ટરસેપ્ટર્સનો ઉપયોગ પણ કર્યો છે. ઈરાન પર હુમલો અમેરિકા માટે મોંઘો સાબિત થયો છે. ઈરાન સામેના પાંચ મહિનાના યુદ્ધ દરમિયાન અમેરિકન સૈન્યએ તેની લાંબા અંતરની ચોકસાઇ સ્ટ્રાઇક મિસાઇલોનો મોટો ભાગ વાપરી નાખ્યો છે. આનાથી ભવિષ્યના સંઘર્ષો માટે અમેરિકન સૈન્યની તૈયારી અંગે ચિતા વધી છે. 

આ મિસાઇલો મુખ્યત્વે જમીનથી જમીન પર પ્રહાર કરતા શષો છે. તેમને આર્મી ટેક્ટિકલ મિસાઇલ સિસ્ટમ અને પ્રિસિઝન સ્ટ્રાઇક મિસાઇલ તરીકે ઓળખવામાં આવે છે. યુએસ સૈન્ય પાસે આર્મી ટેક્ટિકલ મિસાઇલ સિસ્ટમ અને પ્રિસિઝન સ્ટ્રાઇક મિસાઇલોની અછત કેટલી છે તે અગાઉ જાહેર કરવામાં આવ્યું નથી. આ લાંબા અંતરના શસ્ત્રો યુએસ સૈન્યના શસ્ત્રાગારનો એક મહત્વપૂર્ણ ભાગ છે.

ક્રૂડ ઓઇલ ૮૦ ડોલરથી નીચે ગબડ્યું

આંતરરાષ્ટ્રીય ઓઇલ બજારમાં આજે મોટો ધડાકો જાેવા મળ્યો છે. મધ્ય પૂર્વમાં ચાલી રહેલી તંગદિલી પાછળ કૂટનીતિક હલચલ તેજ થતાં વૈશ્વિક બેંચમાર્ક બ્રેન્ટ ક્રૂડ ૪.૫ ટકા ગબડીને ૭૯.૯૬ ડોલર પ્રતિ બેરલ પર આવી ગયું છે. લાંબા સમય પછી ક્રૂડ ઓઇલનો ભાવ ૮૦ ડોલરની નીચે આવતાં વૈશ્વિક અર્થતંત્રને મોટી રાહત મળી છે. ઓઇલના ભાવમાં આ ઘટાડા પાછળ યુએસ અને ઈરાન વચ્ચે સ્ટ્રેટ ઓફ હોર્મુઝ ને ફરીથી ખોલવા માટે સંભવિત કરાર થવાની અટકળો મુખ્ય કારણ માનવામાં આવે છે. આ સાથે ફરી એકવાર ક્રૂડ ઓઈલની કિંમતો ઘટતા પેટ્રોલ-ડીઝલની કિંમતોમાં રાહત મળે તેવી શક્યતા છે.