ઇઝરાયલી વડા પ્રધાન બેન્જામિન નેતન્યાહૂએ ગાઝા અને પશ્ચિમ કાંઠે કોઈપણ પેલેસ્ટિનિયન રાજ્યની રચનાની શક્યતાને સંપૂર્ણપણે નકારી કાઢી છે.

 નેતન્યાહૂનું આ નિવેદન અમેરિકન રાષ્ટ્રપતિ ડોનાલ્ડ ટ્રમ્પના દાવાને મોટો ફટકો આપે છે કે ગાઝા યુદ્ધને સમાપ્ત કરવા માટે એક મોટી સફળતા મળી છે. 

થોડા દિવસો પહેલા જ અમેરિકન રાષ્ટ્રપતિ ડોનાલ્ડ ટ્રમ્પે ગાઝામાં યુદ્ધને સમાપ્ત કરવા માટે ૧૫-પોઇન્ટનો શાંતિ રોડમેપ રજૂ કર્યો હતો, જેને તેમણે મોટી સફળતા ગણાવી હતી. જાેકે, ઇઝરાયલી વડા પ્રધાને આ યોજનાને સંપૂર્ણપણે નકારી કાઢી છે. નેતન્યાહૂએ સ્પષ્ટ કર્યું છે કે જ્યાં સુધી હમાસ સંપૂર્ણપણે તેના હથિયારો સોંપી ન દે ત્યાં સુધી ઇઝરાયલી સેના ગાઝામાંથી પાછી નહીં હટે. ટ્રમ્પે વોશિંગ્ટનમાં નેતન્યાહૂ સાથે મુલાકાત કર્યા પછી જણાવ્યું હતું કે ઇઝરાયલ કરારથી ખુશ છે.. ટ્રમ્પની ૧૫-મુદ્દાની શાંતિ યોજનામાં ગાઝા યુદ્ધનો અંત લાવવા, સશસ્ત્ર જૂથોને નિ:શસ્ત્ર કરવા, ઇઝરાયેલી સેનાને પાછી ખેંચવા અને ગાઝામાં સત્તા પેલેસ્ટિનિયન ટેકનિકલ સંસ્થાને સોંપવા માટે તબક્કાવાર અભિગમની રૂપરેખા આપવામાં આવી છે. 

આ યોજના હેઠળ, ઇઝરાયલ અને હમાસ પહેલા તેમના અગાઉના યુદ્ધવિરામ કરારોને પૂર્ણ કરશે. હમાસ અને અન્ય પેલેસ્ટિનિયન જૂથો ગાઝાના વહીવટી કાર્યો અને આંતરિક સુરક્ષાને ગાઝાના વહીવટી કાર્ય માટે રાષ્ટ્રીય સમિતિને સોંપશે.