કુણાલ ખેમુની ફિલ્મ ‘લૂટકેસ’ની રિલીઝ ડેટ ફાઇનલ થઇ ગઈ છે. હવે આ ફિલ્મ 31 જુલાઈના રોજ ડિઝની પ્લસ હોટસ્ટાર પર સ્ટ્રીમ થવાની છે. આ OTT પ્લેટફોર્મ પર 7 ફિલ્મો રિલીઝ થવાની છે, જેમાંની એક ‘લૂટકેસ’ છે. આ કોમેડી થ્રિલર ફિલ્મ લૂટકેસમાં કુણાલ ખેમુની સાથે રસિકા દુગલ, રણવીર શોરે, ગજરાજ રાવ અને વિજય રાઝ પણ સ્ટારકાસ્ટમાં સામેલ છે. આ ફિલ્મને રાજેશ ક્રિષ્નને ડિરેક્ટ કરી હતી. કોરોના મહામારીને કારણે ફિલ્મ ડિજિટલ પ્લેટફોર્મ પર સ્ટ્રીમ થશે.

અભિષેક બચ્ચને લખ્યું હતું કે, આ મારું અને પપ્પાનું ફેવરિટ ટ્રેલર છે. ઓલ ધ બેસ્ટ બડી. સુશાંત સિંહ રાજપૂતની ફિલ્મ ‘દિલ બેચારા’ પણ આ 7 ફિલ્મોમાંની એક છે, જે 24 જુલાઈના રોજ રિલીઝ થવાની છે. ફિલ્મની રિલીઝ ડેટ કુણાલ ખેમુએ સોશિયલ મીડિયા પર પોસ્ટ શેર કરીને જાહેર કરી છે.

ડિઝનીએ જ્યારે 7 ફિલ્મોનાં અનાઉન્સમેન્ટ કર્યાં ત્યારે બે ફિલ્મ લૂટકેસ અને ખુદાહાફિઝની સ્ટારકાસ્ટને આમંત્રિત કરી ન હતી. આ બાબતે ફિલ્મની કાસ્ટ કુણાલ ખેમુ અને વિદ્યુત જામવાલે સોશિયલ મીડિયા પર નારાજગી વ્યક્ત કરી હતી.કુણાલ ખેમુએ ટ્વીટ કરી લખ્યું હતું કે, ઈજ્જત અને પ્રેમ માગવામાં નથી આવતા કમાવાના હોય છે. કોઈ ન આપે તો એનાથી આપણે નાના નથી થઇ જતા. બસ રમવા માટે મેદાન બરાબર આપો, છલાંગ અમે પણ ઊંચી લગાવી શકીએ છીએ.



Comments

કોમેન્ટ પોસ્ટ કરવા માટે લાગિન કરો