પ્રતિબંઘ પાછળ આતંકી પ્રવૃત્તિ રોકવાનું કારણ આપ્યું

રશિયાએ બુધવારે મેસેજિંગ એપ્સ, વોટ્સએપ અને ટેલિગ્રામ પર કૉલિંગને લઈને નવા પ્રતિબંધોની જાહેરાત કરી છે. અહેવાલ મુજબ, આ એપ્સ હવે મુખ્ય વોઈસ સર્વિસ બની ગઈ છે, જેનો ઉપયોગ છેતરપિંડી, પૈસા પડાવવા અને રશિયાના નાગરિકોને આતંકવાદી પ્રવૃત્તિઓમાં સામેલ કરવા માટે થઈ રહ્યો છે. જેનાથી આ પગલું અપરાધ અને છેતરપિંડીને રોકવા માટે લેવામાં આવ્યું છે.

આ સંદર્ભે રશિયન સુરક્ષા એજન્સીઓ દાવો કરી રહી છે કે યુક્રેન ટેલિગ્રામ મેસેજિંગ એપ્લિકેશનનો ઉપયોગ કરીને રશિયામાં તોડફોડ તેમજ હુમલા જેવી પ્રવૃત્તિઓ કરવવા માટે લોકોની ભરતી કરી રહ્યું છે. આ જ કારણોસર, રશિયા ઈચ્છે છે કે આ મેસેજિંગ પ્લેટફોર્મ્સ કાયદા અમલીકરણ એજન્સીઓની માંગ પર ડેટા પૂરો પાડે છે.

રશિયાનું કહેવું છે કે આ એપ્સ માત્ર છેતરપિંડીના કેસોમાં જ નહીં, પરંતુ આતંકવાદ સંબંધિત કેસની તપાસ માટે પણ જરૂરી ડેટા ઉપલબ્ધ કરાવે. શિયાના ડિજિટલ મંત્રાલયે જણાવ્યું કે, 'વિદેશી મેસેન્જર એપ્સમાં કૉલિંગ એક્સેસ ત્યારે જ પુનઃસ્થાપિત થશે, જ્યારે તેઓ રશિયન કાયદાનું પાલન કરવાનું શરૂ કરશે.'