અમેરિકાની એક ફેડરલ કોર્ટે ભારતીય ઉદ્યોગપતિ ગૌતમ અદાણી અને અન્ય લોકો સામેના હાઇ-પ્રોફાઇલ લાંચ અને સિક્યોરિટીઝ છેતરપિંડીના કેસમાં ફોજદારી આરોપોને કાયમી ધોરણે ફગાવી દીધા છે, જે અદાણી જૂથ માટે એક મહત્વપૂર્ણ કાનૂની જીત છે.આ કેસ નવેમ્બર ૨૦૨૪ માં શરૂ થયો હતો જ્યારે યુએસ પ્રોસિક્યુટર્સે આરોપ લગાવ્યો હતો કે ગૌતમ અદાણી, સાગર અદાણી, અદાણી ગ્રીન એનર્જીના ભૂતપૂર્વ સીઈઓ વનીત જૈન અને અન્ય લોકોએ ૨ અબજ ડોલરથી વધુ નફો પેદા કરવાના અંદાજિત સૌર ઉર્જા કરાર મેળવવા માટે ભારતીય સરકારી અધિકારીઓને ઇં૨૫૦ મિલિયન લાંચ આપવાનું કાવતરું ઘડ્યું હતું.ફરિયાદીઓએ એવો પણ દાવો કર્યો હતો કે જ્યારે ગ્રુપે યુએસ લોન અને બોન્ડ દ્વારા ઇં૩ બિલિયનથી વધુ એકત્ર કર્યા હતા ત્યારે રોકાણકારોને ગેરમાર્ગે દોરવામાં આવ્યા હતા. અદાણી ગ્રુપે સતત આરોપોને નકારી કાઢ્યા હતા અને તેમને પાયાવિહોણા ગણાવ્યા હતા.સંબંધિત સિવિલ કાર્યવાહીમાં, યુએસ સિક્યોરિટીઝ એન્ડ એક્સચેન્જ કમિશનએ અંતિમ ચુકાદા સાથે પોતાનો કેસ ઉકેલ્યો જેમાં ગૌતમ અદાણીને આરોપો સ્વીકાર્યા વિના મિલિયન સિવિલ દંડ ચૂકવવાનો આદેશ આપવામાં આવ્યો હતો.