માંડવી, માંડવી નગરમાં રાઇસમિલ ખાતે હાલ યોજાયેલ સ્થાનિક સ્વરાજની ચૂંટણીમાં નગર પાલિકા, તાલુકા પંચાયત અને જિલ્લા પંચાયત ની બેઠકો પરથી વિજેતા થયેલ તમામ ભાજપ નાં ઉમેદવારોનો સુરત જિલ્લા ભાજપ પ્રમુખ સંદીપભાઈ દેસાઈની અધ્યક્ષતામાં સત્કાર સમારોહ યોજવામાં આવ્યો હતો. કાર્યક્રમની શરુવાતમાં સ્વાગત પ્રવચન માંડવી તાલુકા ભાજપ પ્રમુખ દિનેશભાઇ પટેલ દ્વારા કરાયું હતું. તેમજ ગૃહ નિર્માણ બોર્ડનાં માજી ચેરમેન કુંવરજીભાઇ હડપતિએ આ ભવ્ય વિજયનો સમગ્ર જશ પ્રદેશ પ્રમુખ સી. આર. પાટીલ ને આપ્યો હતો અને ચૂંટાયેલા તમામ ઉમેદવારોને નાનામાં નાના માણસની મદદ કરવા જણાવ્યું હતું. તેમજ સાંસદ પ્રભુભાઈ વસાવા એ જણાવ્યું હતું કે આ સ્થાનિક સ્વરાજની ચૂંટણીમાં ભવ્ય વિજય મેળવવાનો શ્રેય તે તમામ કાર્યકર્તાઓને જાય છે જેઓએ સતત ૧ મહિનો દિવસ રાત એક કરી મહેનત કરી હતી. તેમજ આ વિજયમાં પેજ સમિતિએ અગત્યનો ભાગ ભજવ્યો છે. વધુમાં જણાવ્યું હતું કે કેબિનેટ મંત્રી ઈશ્વરભાઈ પરમાર, ગણપતભાઈ વસાવા અને જિલ્લા ભાજપ પ્રમુખ સંદીપભાઈ દેસાઈ નો સંપૂર્ણ સહકાર મળતા ભાજપ આ ભવ્ય વિજય મેળવવામાં સફળ બની છે.


Comments

કોમેન્ટ પોસ્ટ કરવા માટે લાગિન કરો