મુંબઇ

મોમ-ટુ-બી કરીના કપૂર ખાન લાંબા સમય બાદ તેની ગર્લ ગેંગને મળી હતી. જેમાં મલાઈકા અરોરા, અમૃતા અરોરા, નતાશા પૂનાવાલા અને મલ્લિકા ભટ્ટનો સમાવેશ થાય છે. સોશિયલ મીડિયા પર પોતાના રોજિંદા જીવન વિશે અપડેટ કરનારી બેબોએ આ દરમિયાનની એક તસવીર શેર કરી છે. જેમાં તેણે સ્કાય બ્લ્યૂ કલરનું લોન્ગ ગાઉન પહેર્યું છે અને વાળ છુટ્ટા રાખ્યા છે. આ સિવાય તે નો-મેકઅપ લૂકમાં જોવા મળી રહી છે. જ્યારે નતાશા પૂનાવાલાએ સફેદ કલરનું શોર્ટ ટોપ અને લોન્ગ બૂટ્સ પહેર્યા છે. જ્યારે મલાઈકા હંમેશની જેમ સ્ટાઈલિશ કપડામાં જોવા મળી રહી છે તો અમૃતાએ બ્લેક ટોપ અને જિન્સ પહેર્યું છે.


આ તસવીર શેર કરીને કરીના કપૂરે લખ્યું છે કે, 'રીયૂનાઇટ. લોલોને યાદ કરી @therealkarismakapoor'.

નતાશા પૂનાવાલાએ પણ ગર્લ ગેંગ સાથેની તસવીર શેર કરી છે અને લખ્યું છે કે, 'તમે તમારા ઝૂંડ વગર જીવન પસાર ન કરી શકો, આ મારું છે'.

પાંચેય બેસ્ટફ્રેન્ડ જ્યારે મળી ત્યારે પિઝા પાર્ટી કરી હશે તેમ લાગી રહ્યું છે. અમૃતા અરોરાએ ઈન્સ્ટાગ્રામ સ્ટોરીમાં પિઝાના બોક્સની તસવીર શેર કરી છે અને લખ્યું છે કે, 'ગર્લ્સ નાઈટમાં અમને આનાથી વધારે શું માગી શકીએ? આ યમ્મી છે'.

આ પાંચેય પાકી બહેનપણીઓ અમૃતા અરોરાના ઘરે ભેગી થઈ હતી. કરીના તૈમૂરને સાથે લઈને ગઈ હતી. જ્યારે તેઓ બિલ્ડિંગમાંથી બહાર નીકળી રહ્યા હતા ત્યારે ફોટોગ્રાફરના કેમેરામાં કેદ થયા હતા. 



Comments

કોમેન્ટ પોસ્ટ કરવા માટે લાગિન કરો