અગ્નિપથ યોજના હેઠળ દેશભરના અગ્નિવીરો માટે એક નવો નિયમ લાગુ થવાનો છે. કેન્દ્ર સરકાર એક યોજના પર કામ કરી રહી છે જે ટૂંક સમયમાં ફાઇલ કરીને લાગુ કરવામાં આવશે. નવી યોજનાથી અગ્નિવીર ભરતી માટે પસંદ થયેલા અને સેના, વાયુસેના અને નૌકાદળમાં સેવા આપતા યુવાન અગ્નિવીરોને ઘણો ફાયદો થશે. જાેકે, ચાર વર્ષના સેવા સમયગાળા દરમિયાન દેશ માટે પોતાના જીવનું બલિદાન આપનારા સૈનિકોને જ આ યોજનાનો લાભ મળશે.

અગ્નિવીરોને શહીદોની જેમ સન્માનિત કરવા અને તેમની શહાદત પછી તેમના પરિવારોને નોકરી અથવા પેન્શન આપવાની જાેગવાઈ પણ કરવામાં આવી રહી છે. આ દરખાસ્ત રજૂ કરવામાં આવી છે, જે કેન્દ્રીય સંરક્ષણ મંત્રાલયની મંજૂરીની રાહ જાેઈ રહી છે. હાલમાં, અગ્નિપથ યોજના હેઠળ, સશસ્ત્ર દળોની ત્રણેય શાખાઓમાં ભરતી થયેલા અગ્નિવીરોને ફરજ બજાવતા મૃત્યુ પામે તો જ વીમો મળે છે.

બે અલગ અલગ યોજનાઓ હેઠળ એક કરોડ રૂપિયા સુધીનો વીમો ઉપલબ્ધ છે. જાેકે, તાજેતરમાં, કેન્દ્રીય સંરક્ષણ મંત્રાલય સાથે સંબંધિત એક સંસદીય સમિતિએ અગ્નિવીરો અંગે એક ભલામણ કરી હતી, જેમાં કેન્દ્રીય મંત્રાલયને રાષ્ટ્ર માટે પોતાના જીવનનું બલિદાન આપનારા અગ્નિવીરોના પરિવારોને સહાય પૂરી પાડવા વિનંતી કરવામાં આવી હતી.