ઓગસ્ટમાં દેશભરમાં કુલ વરસાદ ૨૧૩.૩ મિમી હતો, જે સામાન્ય કરતાં ૧૬.૩% ઓછો હતો. હવામાન વિભાગ અનુસાર, ઓગસ્ટ મહિનો પણ ગરમ રહ્યો, ઓગસ્ટમાં દેશનું સરેરાશ લઘુત્તમ તાપમાન ૨૪.૩૬ ડિગ્રી સેલ્સિયસ હતું, જે ૧૯૦૧ પછીનું સૌથી ગરમ હતું. સરેરાશ તાપમાન ૨૮.૦૧ ડિગ્રી સેલ્સિયસ હતું, જે રેકોર્ડ પર સૌથી વધુ હતું. બીજી તરફ, હવે સપ્ટેમ્બર મહિનામાં પણ દેશભરમાં સામાન્ય કરતાં ઓછો વરસાદ થવાની ધારણા છે, જેના કારણે તાપમાન સામાન્ય કરતાં ઊંચું રહેશે. આ ભયાનક સૂકા હવામાન અને ગરમીનું મુખ્ય કારણ પ્રશાંત મહાસાગરમાં આકાર લઈ રહેલી મજબૂત અલ નીનો ની અસર છે. ઓગસ્ટમાં નબળું પડેલું ચોમાસું સપ્ટેમ્બરમાં પણ સંપૂર્ણપણે સક્રિય થતું દેખાતું નથી. હવામાન વિભાગ અનુસાર, સપ્ટેમ્બરમાં ઓછો વરસાદ અને સામાન્ય કરતાં વધુ ગરમ તાપમાન જાેવા મળશે તેવી અપેક્ષા છે. સપ્ટેમ્બરમાં ઓછો વરસાદ અને સામાન્ય કરતાં વધુ ગરમ તાપમાન રહેવાની ધારણા છે. સપ્ટેમ્બરમાં સામાન્ય વરસાદ ૧૬૭.૯ મિમી છે. દેશના ઘણા ભાગોમાં સામાન્ય કરતાં ઓછો વરસાદ પડી શકે છે. આગાહીઓ સામાન્ય કરતાં ૯૧% વરસાદ દર્શાવે છે, જેનો અર્થ થાય છે કે ૯% વરસાદની ખાધ. જાેકે, ઉત્તર-પશ્ચિમ, ઉત્તર-પૂર્વ, પૂર્વ, પૂર્વ-મધ્ય ભારત અને દક્ષિણપૂર્વ દ્વીપકલ્પીય ભારતના કેટલાક ભાગોમાં સામાન્ય કરતાં વધુ વરસાદ પડવાની શક્યતા છે. ૧ જૂનથી ૩૧ ઓગસ્ટ સુધી ચોમાસાની ઋતુમાં ૧૩.૮% વરસાદની ખાધ છે. આગાહી મુજબ, મોટાભાગના ગતિશીલ મોડેલો દક્ષિણ-પશ્ચિમ ચોમાસાની ઋતુના બાકીના સમયગાળા માટે અલ નીનોની સ્થિતિ ચાલુ રાખવાની તરફેણ કરે છે. એઆઇ મોડેલ ચોમાસાની ઋતુના બાકીના સમયગાળા દરમિયાન અલ નીનો મજબૂત થવાની આગાહી પણ કરે છે. સપ્ટેમ્બરમાં ઓછા વરસાદ સાથે તાપમાન ચિતા પેદા કરી શકે છે. દેશના મોટાભાગના ભાગોમાં સરેરાશ મહત્તમ તાપમાન સામાન્ય કરતાં વધુ રહી શકે છે. સરેરાશ લઘુત્તમ તાપમાન પણ વધુ હોઈ શકે છે. ઓગસ્ટમાં નબળું પડેલું ચોમાસું સપ્ટેમ્બરમાં પણ સંપૂર્ણપણે સક્રિય થતું દેખાતું નથી. હવામાન વિભાગના જણાવ્યા અનુસાર, સપ્ટેમ્બરમાં ઓછો વરસાદ અને સામાન્ય કરતાં વધુ ગરમી પડવાની ધારણા છે. દેશના ઘણા ભાગોમાં સામાન્ય કરતાં ઓછો વરસાદ પડી શકે છે.