લંડન-
દુનિયાના સાત સૌથી સમૃદ્ધ દેશોના સમૂહ G7(ગ્રુપ ઓફ સેવન)ના વડાઓનું ત્રણ-દિવસીય શિખર સંમેલન બ્રિટનના કોર્નવોલમાં શરૂ થઈ ગયું છે. દુનિયામાં ફેલાયેલી કોરોનાવાઈરસ મહાબીમારી વિશે વડાઓએ ચિંતા વ્યક્ત કરી છે અને દુનિયાના અત્યંત ગરીબ દેશોને કોરોના-પ્રતિરોધક રસીઓના કુલ એક અબજ ડોઝનું દાન કરવાનો તેમણે સંકલ્પ કર્યો છે. આમાં ૫૦ ટકા (૫૦ કરોડ ડોઝ) હિસ્સો અમેરિકાનો છે. બ્રિટન એક વર્ષની અંદર ઓછામાં ઓછા ૧૦ કરોડ ડોઝનું દાન કરશે. જી-૭ના સભ્યો – ફ્રાન્સ અને જર્મનીએ ૩-૩ કરોડ ડોઝ અને યૂરોપીયન યૂનિયને ૧૦ કરોડ ડોઝ આપવાની જાહેરાત કરી છે.
દેશોને રસીના ડોઝ વહેંચણી અને આર્થિક સહાયતાની નક્કી કરાયેલી એક યોજનાને આધારિત પૂરા પાડવામાં આવશે. ૮૦ ટકા ડોઝ વિશ્વ આરોગ્ય સંસ્થાએ ઘડેલી ‘કોવેક્સ સ્કીમ’ મારફત ફાળવવામાં આવશે. કોરોનાવાઈરસના ફેલાવા બાદ વધારે સારું વિશ્વ બનાવવાનો સંકલ્પ કરવાની બ્રિટનના વડા પ્રધાન બોરીસ જાેન્સને જી૭ને અપીલ કરી છે. જી૭ની સ્થાપના ૧૯૭૦ના દાયકામાં કરવામાં આવી હતી. તે પછી આ દેશોના વડાઓનું આ ૪૭મું શિખર સંમેલન છે. કોર્નવોલના કાર્બિસ બૅ ખાતે તેનું આયોજન થઈ રહ્યું છે. બ્રિટન આ છઠ્ઠી વાર યજમાનપદ સંભાળી રહ્યું છે. જી૭માં આ દેશો સભ્ય છેઃ અમેરિકા, બ્રિટન, જાપાન, જર્મની, ફ્રાન્સ, ઈટાલી અને કેનેડા. યૂરોપિયન યૂનિયન પણ આ ગ્રુપમાં સામેલ છે.
સંબંધિત સમાચાર
મોસ્ટ પોપ્યુલર
ક્વિક લિંક
- અજબ ગજબ
- એસ્ટ્રોલોજી
- બૉલીવુડ
- બજેટ ૨૦૨૧-૨૨
- બિઝનેસ
- સિનેમા
- ક્રાઈમ વોચ
- ધર્મ જ્યોતિષ
- શિક્ષણ
- ફેશન એન્ડ બ્યુટી
- ફૂડ એન્ડ રેસિપી
- હેલ્થ એન્ડ ફિટનેસ
- હોલીવુડ
- આંતરરાષ્ટ્રીય
- જ્યોતિષ
- લાઈફ સ્ટાઇલ
- રાષ્ટ્રીય
- રાજકીય
- ધર્મ
- સ્પેશીયલ સ્ટોરી
- રમત ગમત
- ટી ૨૦ વર્લ્ડ કપ ૨૦૨૧
- ટેક્નોલોજી
- ટેલિવુડ
- ટોક્યો ઓલિમ્પિક્સ
- ટ્રાવેલ
- વાસ્તુ
- વેબ સિરીઝ
Comments