દિલ્હી-

સંરક્ષણ સોદામાં ભ્રષ્ટાચાર મામલે સમતા પાર્ટીના પૂર્વ અધ્યક્ષ જયા જેટલીને ટ્રાયલ કોર્ટે કરેલી ૪ વર્ષની સજાને દિલ્હી હાઈકોર્ટે સસ્પેન્ડ કરી દીદી છે. ૨૦૦૦-૨૦૦૧ના કેસમાં દિલ્હીની એક કોર્ટે ગુરુવારે જ જેટલી અને ૨ અન્ય લોકોને ૪ વર્ષની કેદની સજા કરી હતી. આ ચુકાદા સામે તેઓ દિલ્હી હાઈકોર્ટ પહોંચ્યા હતા, જેણે સજાને સસ્પેન્ડ કરી દીધી. નિચલી કોર્ટે ત્રણે આરોપીઓેને આજે જ સરેન્ડર કરવા કહ્યું હતું, પરંતુ જયા જેટલીને હાઈકોર્ટમાંથી મોટી રાહત મળી છે.

આ પહેલા ગુરુવારે વિશે, સીબીઆઈ જજ વીરેન્દ્ર ભટ્ટે જયા જેટલી, તેમના પૂર્વ પાર્ટી સહયોગી ગોપાલ પચેરવાલ, મેજર જનરલ (સેવાનિવૃત્ત) એસ પી મુરગઈને પણ ચાર-ચાર વર્ષની જેલની સજા સંભળાવી હતી. ત્રણેયને એક-એક લાખનો દંડ અને તેમને ગુરુવારે સાંજે ૫ વાગ્યા સુધીમાં સરેન્ડર કરવાનો નિર્દેશ આપ્યો હતો. નિચલી કોર્ટે ત્રણેયને હાથેથી ચલાવાતા 'થર્મલ ઈમેજર્સ'ની ખરીદીના મામલામાં ભ્રષ્ટાચાર અને ગુનાઈત ષડયંત્ર રચવાના દોષી માન્યા છે. 


Comments

કોમેન્ટ પોસ્ટ કરવા માટે લાગિન કરો