આર્ટિફિશિયલ ઈન્ટેલિજન્સનો વપરાશ દુનિયામાં વધવાની સાથે હાલ અમેરિકા અને ચીન વચ્ચે તેના પર પ્રભુત્વ મેળવવા રેસ ચાલી 

રહી છે. 

એઆઈની આ રેસમાં ચીન અમેરિકા કરતાં આગળ નીકળી શકે છે તેમ મેટાના સીઈઓ માર્ક ઝુકરબર્ગે ચીનને સલાહ આપતા કહ્યું કે, એશિયન દેશે એનર્જી અને ડેટા સેન્ટર બનાવવાની તેની ક્ષમતા વધારવાની જરૂર છે. ઝુકરબર્ગે ચેતવણી આપી છે કે જે દેશ એડવાન્સ્ડ એઆઈના ડેવલપમેન્ટમાં આગળ હશે તે ભૂ-રાજકીય તાકાતમાં સંતુલિત ભૂમિકા ભજવશે.ઝુકરબર્ગે કહ્યું કે, એઆઈના વિકાસ અને ઉપયોગમાં પ્રભુત્વ ધરાવનાર દેશનું નવા ભૂ-રાજકીય સત્તા સંતુલનમાં મહત્વનું યોગદાન હશે. તે ભવિષ્યમાં લોકતાંત્રિક મૂલ્યો, સમૃદ્ધિ અને સુરક્ષાની સ્થિતિ નિશ્ચિત કરશે. . એઆઈના સંદર્ભમાં સિલિકોન ડિઝાઈનમાં અમેરિકા અને તેના દેશોની સ્થિતિ મજબૂત છે, પરંતુ એનર્જી ક્ષમતા અને ફિઝિકલ ઈન્ફ્રાસ્ટ્રક્ચર બનાવવાની ગતિમાં અમેરિકા પાછળ છે.

ઝુકરબર્ગ જણાવ્યું હતું કે, ચીન જેવા દેશ દર બીજા સપ્તાહે ૧ ગીગાવોટથી વધુ ન્યૂક્લિયર ક્ષમતા શરૂ કરી રહ્યા છે. તેથી સ્પર્ધામાં રહેવા માટે અમેરિકાએ એનર્જી અને ડેટા સેન્ટર બનાવવાની ગતિ વધારવી પડશે. એઆઈ કદાચ ઈતિહાસની સૌથી વધુ સ્પર્ધાત્મક ઈન્ડસ્ટ્રી છે.