દિલ્હી-

ઇ-કોમર્સ જાયન્ટ એમેઝોન ઇન્ડિયા ,એમેઝોન પે ગ્રાહકો માટે એક શ્રેષ્ઠ સુવિધા રજૂ કરી છે. આ ફિચરનુ નામ 'ગોલ્ડ વોલ્ટ' રાખવામાં આવ્યું છે. આ એક સુવિધા છે જે ગ્રાહકોને ડિજિટલ ગોલ્ડ ખરીદવાની તક આપે છે. એમેઝોનની વેબસાઇટ પર આપવામાં આવેલી માહિતી અનુસાર, ગ્રાહકો આ સુવિધા સાથે 1 રૂપિયાનું સોનું પણ ખરીદી શકે છે.

એમેઝોન કંપનીએ આ માટે સેફગોલ્ડ સાથે ભાગીદારી કરી છે. સેફગોલ્ડ એ ડિજિટલ ગોલ્ડ ઇન્ડિયા પ્રાઇવેટ લિમિટેડની રિટેલ બ્રાન્ડ છે, જે 995 શુદ્ધતા (99.5 ટકા શુદ્ધ) નું 245 કેરેટ સોનું પ્રદાન કરે છે. એવું માનવામાં આવે છે કે આ સુવિધાને રજૂ કરીને, એમેઝોને મોટી સંખ્યામાં મધ્યમ અને યુવાન ગ્રાહકોને સંચાલિત કર્યા છે. જે પેટીએમ, ફોનપી, ગુગલ પે, મોબીકવીક જેવી હરીફ કંપનીઓને પડકાર આપી શકે છે.

એમેઝોન મુજબ આ સુવિધા દ્વારા ગ્રાહકો ડિજિટલ વિકલ્પ તરીકે સોનામાં 1 રૂપિયાનું રોકાણ પણ કરી શકે છે અને જો તમે ઇચ્છો તો તમે કોઈપણ કેવાયસી વિના 2 ગ્રામ સોનું ખરીદી શકો છો. જો કે, શરૂઆતમાં ગોલ્ડ વોલ્ટ દ્વારા તમે ઓછામાં ઓછા રૂ.5નું સોનુ ખરીદવુ પડશે.જો કે, ડિજિટલ ગોલ્ડ શોપિંગનો આ વિચાર નવો નથી. અગાઉ ઇ-કોમર્સ પ્લેટફોર્મ જેવા કે ફોનપી, પેટીએમ, મોબીકવીક અને ગૂગલ પે સહિતની અન્ય ઘણી કંપનીઓએ આ સુવિધા શરૂ કરી છે અને પહેલેથી જ ડિજિટલ ગોલ્ડનું વેચાણ કરી રહી છે.


Comments

કોમેન્ટ પોસ્ટ કરવા માટે લાગિન કરો