મુંબઇ 

ઈન્ડિયન આઇડલ હંમેશા ઉભરતા ગાયકો માટે એક વિશેષ પ્લેટફોર્મ રહ્યું છે, જ્યાં તેઓ પોતાની પ્રતિભા દુનિયાને બતાવી શકે છે. હવે આ શો નવી સીઝન સાથે પાછો આવી રહ્યો છે અને દરેક સપ્તાહે મીઠા અવાજોથી આખા દેશનું મનોરંજન કરવા માટે તૈયાર છે. આ શોના જજની પેનલ ફરી એકવાર નેહા કક્કર, વિશાલ દાદલાની અને હિમેશ રેશમિયાની ટીમ જોવા મળશે.

તાજેતરમાં જ શૂટિંગ દરમિયાન રોકસ્ટાર હિમેશ રેશમિયા ઇન્ડિયન આઇડોલ 2020ના સેટ પર સેલ્ફી ક્વીન નેહા કક્કર માટે એક ખાસ ગિફ્ટ લઈને આવ્યો હતો. નેહા માટે લાવેલી ખાસ ગિફ્ટ "પાણી પુરી" હતી. જેને જોયા પછી કોઈ પણ તેને ખાધા વગર રહી શકે નહીં.

જો કે આજના સમયમાં બધા સ્વાસ્થ્ય માટે કેટલા જાગૃત છે તેનાથી વાકેફ હોવા છતાં, તેણે પાણી પુરીમાં સામાન્ય મસાલાનો ઉપયોગ કરવાને બદલે કારેલાના જ્યુસનો ઉપયોગ કર્યો હતો. સૌથી મજાની વાત એ હતી કે નેહાએ પકોડીનો ટેસ્ટ કર્યો ત્યાં સુધી તેને કહ્યું નહોતું.

શરૂઆતમાં નેહા તેની સ્વાદિષ્ટ ગિફ્ટ જોઈને ખૂબ જ ખુશ થઈ ગઈ, પરંતુ જેવી તેણે પહેલી પાણી પુરી ખાધી કે તેની બોલતી બંધ થઈ ગઈ! તેના મોંમાંથી એક પણ શબ્દ નીકળ્યો નહીં. હિમેશની આ ભેટ નેહા હંમેશા યાદ રાખશે. ઈન્ડિયન આઇડોલ 2020 સિઝનની સાથે સાથે દરેકના મૂડમાં પરિવર્તન લાવશે.



Comments

કોમેન્ટ પોસ્ટ કરવા માટે લાગિન કરો