મેલબોર્ન

વિશ્વના બીજા નંબરના ખેલાડી સ્પેનના રાફેલ નડાલ અને રશિયાના ડેનિલ મેદવેદેવે સોમવારે વર્ષના પ્રથમ ગ્રાન્ડ સ્લેમ ઓસ્ટ્રેલિયન ઓપનના ક્વાર્ટર ફાઇનલમાં પોતાની ચોથી રાઉન્ડની મેચ જીતી લીધી હતી. ઓસ્ટ્રેલિયન ઓપનમાં ૨૦૦૯ ના વિજેતા નડાલે ૧૬ માં ક્રમાંકિત ઇટાલીના ફાબિઓ ફોગોનીનીને બે કલાક અને ૧૬ મિનિટ સુધી ચાલેલી મેચમાં ૬-૩, ૬-૪, ૬-૨થી હરાવ્યો. નડાલે તેની કારકિર્દીમાં ૧૩ મી વખત ઓસ્ટ્રેલિયન ઓપનની ક્વાર્ટર ફાઇનલમાં પ્રવેશ કર્યો છે. સેમીફાઇનલ રેસ માટે નડાલ ગ્રીસના સ્ટેફનોસ સીટિપાસ સામે ટકરાશે.

અન્ય પ્રી-ક્વાર્ટર ફાઈનલ સીટિપાસ-બેરેટિની વચ્ચેની મેચ રમ્યા વગર આગળ વધી ગઈ. તે મેચ નવમા ક્રમાંકિત ખેલાડી મેટ્ટીઓ બેરાટિની સામે થવાની હતી, પરંતુ બેરેટિનીએ ઈજાને કારણે મેચ રમવાનો ઇનકાર કર્યો હતો, જેને પગલે સીતીપાસે વોકઓવર મેળવ્યો હતો.

આ પહેલા પુરૂષ સિંગલ્સ કેટેગરીમાં વર્લ્ડ રેન્કિંગ નંબર ચાર મેદવેદેવે એક કલાક અને ૨૯ મિનિટની મેચમાં સતત સેટમાં યુ.એસ.ના મેકેન્ઝી મકડોનાલ્ડને ૬-૪,૬-૨,૬-૩ થી હરાવી જગ્યા બનાવી હતી.

મેદવેદેવનો મુકાબલો ક્વાર્ટર ફાઇનલમાં દેશબંધી આન્દ્રે રુબલેવ સામે થશે. વિશ્વના આઠમા ક્રમાંક રૂબલેવે નોર્વેના કેસ્પર રુડ્ડને હરાવીને છેલ્લા આઠમાં આગળ વધ્યો.

એક કલાક અને ૧૭ મિનિટ સુધી ચાલેલી મેચમાં રુબલેવ પ્રથમ સેટ ૬-૨ અને બીજો સેટ ૭-૬થી જીત્યો, પરંતુ ત્રીજો સેટ શરૂ થતાં જ રુડ મેચમાંથી નિવૃત્ત થયો અને રુબલેવ અંતિમ આઠમાં પ્રવેશ કર્યો.


Comments

કોમેન્ટ પોસ્ટ કરવા માટે લાગિન કરો