અમદાવાદ-

હવામાન વિભાગ દ્વારા આગામી 5 દિવસ માટે સમય વરસાદની આગાહી વ્યક્ત કરવામાં આવી છે. જેમાં દક્ષિણ ગુજરાત અને ઉત્તર ગુજરાત માટે આગામી 5 દિવસ સામાન્ય વરસાદની આગાહી કરવામાં આવી છે. ત્યારે સૌરાષ્ટ્ર અને કચ્છમાં વરસાદની આગાહી નહિવત છે. પરંતુ દક્ષિણ ગુજરાતમાં સુરત , વલસાડ, ડાંગ જેવા વિસ્તારોમાં સામાન્ય વરસાદ રહેશે, ત્યારે ઉત્તર ગુજરાતમાં મહેસાણા , અરવલ્લી, પાટણ , મહીસાગરમાં વરસાદની આગાહી છે. ચોમાસા એ ગુજરાતમાં દસ્તક દીધી છે. ત્યારે ગુજરાતમાં વાતાવરણ પણ વરસાદી બન્યું છે. હાલમાં વરસાદની સાથે સાથે 5 દિવસ થન્ડર સ્ટ્રોમ ની એક્ટિવિટી રહેશે. જેમાં 35થી 40 કિલોમીટર ની ઝડપે પવન ફૂંકાશે. રાત્રિના સમયમાં પવન ફૂંકાતા વાતાવરણ ઠંડુ બની રહે છે. જોકે કચ્છમાં વરસાદની શક્યતા હાલમાં નહિવત છે. 


Comments

કોમેન્ટ પોસ્ટ કરવા માટે લાગિન કરો