ઓવલ-

ભારતે ચોથી ટેસ્ટના અંતિમ દિવસે ઈંગ્લેન્ડને ૧૫૭ રનથી હરાવીને પાંચ મેચની ટેસ્ટ શ્રેણીમાં ૨-૧ની લીડ મેળવી લીધી છે. ભારતે ઓવલમાં ૫૦ વર્ષ બાદ જીત મેળવી છે. આ પહેલા, પ્રથમ અને છેલ્લી વખત ભારતે ૧૯૭૧ માં આ મેદાન પર ટેસ્ટ મેચ જીતી હતી.


આ મેચમાં ભારતે ઇંગ્લેન્ડ સામે જીતવા માટે ૩૬૮ રનનો લક્ષ્યાંક રાખ્યો હતો. જવાબમાં યજમાન ટીમ ૨૧૦ રનમાં સમેટાઈ ગઈ હતી અને મેચ હારી ગઈ હતી. ટીમની આ ઐતિહાસિક જીતમાં ઉમેશ યાદવે ત્રણ, જસપ્રિત બુમરાહ, શાર્દુલ ઠાકુર અને રવિન્દ્ર જાડેજાએ બે -બે વિકેટ લીધી હતી.


તમને જણાવી દઈએ કે ભારતનો બીજો દાવ ૪૬૬ રનમાં ઓલઆઉટ થયો હતો. ટીમ ઇન્ડિયા માટે રોહિત શર્મા (૧૨૭) એ સદી ફટકારી હતી. રોહિત શર્માને મેચમાં શાનદાર પ્રદર્શન બદલ મેન ઓફ ધ મેચ જાહેર કરવામાં આવ્યો હતો. આ સિવાય ચેતેશ્વર પૂજારા (૬૧), શાર્દુલ ઠાકુર (૬૦) અને ૈજષભ પંતે શાનદાર અડધી સદી રમી હતી. તે જ સમયે, ઇંગ્લેન્ડ માટે ક્રિસ વોક્સે બીજી ઇનિંગમાં ત્રણ વિકેટ લીધી હતી જ્યારે મોઇન અલી અને ઓલી રોબિન્સને બે -બે વિકેટ લીધી હતી. આ પહેલા ટોસ હારીને પહેલા બેટિંગ કરતા ભારતનો પ્રથમ દાવ ૧૯૧ રનમાં સમેટાઈ ગયો હતો. જવાબમાં ઈંગ્લેન્ડે પોતાની પ્રથમ ઈનિંગમાં ૨૯૦ રન બનાવ્યા હતા. આ રીતે પ્રથમ દાવના આધારે યજમાનોને ૯૯ રનની લીડ મળી.


Comments

કોમેન્ટ પોસ્ટ કરવા માટે લાગિન કરો