મુંબઇ 

ન્યૂલીવેડ નેહા કક્કડ અને રોહનપ્રીત સિંહ લગ્ન થયા ત્યારથી એકબીજા સાથેની રોમાન્ટિક તસવીરો શેર કરતાં રહે છે. બંનેના લગ્ન દિલ્હીમાં 24મી ઓક્ટોબરે થયા હતા. ગઈકાલે (4 ઓક્ટોબર) લગ્ન બાદની પહેલી કરવા ચોથ હોવાથી નેહા ઉત્સાહિત હતી અને તેણે પણ પતિના લાંબા આયુષ્ય માટે વ્રત રાખ્યું હતું. કપલે ઈન્સ્ટાગ્રામ પર એક વીડિયો પણ શેર કર્યો હતો. જેમાં તેઓ કોઈ સોન્ગ પર ડાન્સ કરતાં જોવા મળ્યા હતા. આ વીડિયોમાં નેહા લાલ ડ્રેસમાં જોવા મળી હતી. તેના હાથમાં લાલ ચૂડો અને હાથમાં મહેંદી અને કપાળમાં સિંદૂર હતું.


નેહા કક્કડે હવે પતિ સાથેના કરવા ચોથના સેલિબ્રેશનની કેટલીક તસવીરો શેર કરી છે. જેમા તે પતિ સાથે પોઝ આપતી જોવા મળી રહી છે. કેપ્શનમાં તેણે લખ્યું છે કે, 'મારી પહેલી કરવા ચોથ'. જેના પર રોહનપ્રીતે પણ ક્યૂટ કોમેન્ટ કરી છે. તેણે લખ્યું છે કે, 'શાંતિ+ખુશી+જીવનની દરેક સુંદર વસ્તુ=તું મારું જીવન, મારી નેહુ, મારી બાબુ, મારી પુત, કોઈની નજર ના લાગે'. નેહા કક્કડે શેર કરેલી અન્ય પોસ્ટમાં તે ચાંદ જોયા બાદ પતિની પૂજા કરતી જોવા મળી રહી છે. આ તસવીરો પર પણ રોહનપ્રીતે કોમેન્ટ કરતાં લખ્યું છે કે, 'મેરા સોહણા ચાંદ'


રોહનપ્રીતે પોતાના ઈન્સ્ટાગ્રામ પર નેહા સાથેની એક તસવીર શેર કરી છે. જેમાં તે પ્રેમભરી નજરે નેહાને જોઈ રહ્યો છે, તો નેહા થોડી શરમાઈ રહી છે. કેપ્શનમાં તેણે લખ્યું છે કે, 'મેરા ચાંદ જ્યાદા સોહણા'. નેહાએ આ પોસ્ટ પર લખ્યું છે કે, 'હા એ તો છે. હાહાહા મજાક કરી રહી છું'.



Comments

કોમેન્ટ પોસ્ટ કરવા માટે લાગિન કરો