ઓલિમ્પિક સિલ્વર મેડલ વિજેતા અને વિશ્વ બેડમિંટન ચેમ્પિયન પીવી સિંધુ આંતરરાષ્ટ્રીય ઓલિમ્પિક સમિતિ (આઈઓસી) ઓલિમ્પિક ડે (Olympic Day) કાર્યક્રમમાં ભાગ લેશે. 23 જૂને યોજાનારા આ કાર્યક્રમમાં એશિયન ગેમ્સની સુવર્ણચંદ્રક વિજેતા મહિલા રેસલર વિનેશ ફોગાટ પણ ભાગ લેશે. વિનેશ વિશ્વભરના 23 ઓલિમ્પિક ખેલાડીઓ સાથે પહેલા રેકોર્ડ કરેલા વિડીયોમાં તેનું વિશેષ વર્કઆઉટ બતાવશે. તે જ સમયે, સિંધુ વિશ્વના 22 ટોચના રમતવીરોની સાથે લાઇવ ફિટનેસ કાર્યક્રમમાં ભાગ લેશે. 

24 વર્ષીય સિંધુ દુનિયાભરના એવા એથ્લેટ્સમાં સામેલ થશે જેના વર્કઆઉટ્સનું ઓલિમ્પિક ઇન્સ્ટાગ્રામ પેજ પર જીવંત પ્રસારણ કરવામાં આવશે. સિંધુ તેની સાથે હૈદરાબાદમાં તેના ઘરેથી ઓનલાઇન જોડાશે.આઈઓસીના પ્રમુખ થોમસ બાકે એક નિવેદનમાં કહ્યું, 'આ વખતે ઓલિમ્પિક ડેનો કાર્યક્રમ દરેક વખતથી અલગ હશે. ચાલો સ્થગિત ટોક્યો ઓલિમ્પિક્સની તૈયારી માટે એકતા સાથે રમતની શક્તિનો ઉપયોગ કરીએ.



Comments

કોમેન્ટ પોસ્ટ કરવા માટે લાગિન કરો