ન્યુ દિલ્હી,તા.૨૦ 

કોરોના વાયરસના કેરની વચ્ચે હવે ચીન સાથે સરહદે તંગદીલી વધી જતાં આ વર્ષે કૈલાસ માનસરોવરની યાત્રા યોજાવવા સામે પણ પ્રશ્નાર્થ સર્જાયો છે. ગુજરાતમાંથી દર વર્ષે હજારો લોકો કૈલાસ માનસરોવરની યાત્રાએ જતા હોય છે. સામાન્ય રીતે જૂનમાં જ શરૂ થઇ જતી કૈલાસ યાત્રામાં ગુજરાતમાંથી હજારો શ્રદ્ધાળુઓ જતા હોય છે. હિન્દુ ધર્મમાં ચાર યાત્રાનું ખૂબ જ મહત્વ ગણવામાં આવેલું છે અને જેમાં કૈલાસ માનસરોવરનો પણ સમાવેશ થાય છે. ચીનના તાબા હેઠળના કૈલાસ માનસરોવર યાત્રા સામાન્ય રીતે જૂનના બીજા સપ્તાહથી ઓગસ્ટ સુધી યોજાતી હોય છે. પરંતુ આ વખતે કોરોના સંક્રમણને પગલે હજુ સુધી યાત્રાનો પ્રારંભ થયો થયો નથી. અધૂરામાં પૂરું હવે ચીન સામે સરહદે તણાવ વધી ગયો છે. આ Âસ્થતિમાં આ વખતે કૈલાસ માનસરોવર યોજાય જ નહીં તેની સંભાવના વધી ગઇ છે. અલબત્ત, આ અંગે હજુ સુધી કોઇ સત્તાવાર જાહેરાત કરાઇ નથી. જાણકારોના મતે કૈલાસ માનસરોવર યાત્રા ઉત્તરાખંડના લિપુલેખ પાસ, સિક્કીમના નાથુલા પાસ એમ બે રૂટ ધરાવે છે.


Comments

કોમેન્ટ પોસ્ટ કરવા માટે લાગિન કરો