ન્યુ દિલ્હી,

દેશમાં કોરોના વાયરસના વધતા સંક્રમણ વચ્ચે વધુ એક રાહતની ખબર આવી છે. વધતા કેસ વચ્ચે સિપ્લા (cipla) કંપનીએ વાયરસ સામે લડવા માટે રેમડેસિવીર દવાનું જેનરિક વર્ઝન રજૂ કર્યું છે.

સિપ્લાએ આ દવાને સિપ્રમી નામથી લોન્ચ કરી છે. સિપ્રમીને યુએસ ફૂડ એન્ડ ડ્રગ્સ એડમિનિસ્ટ્રેશનએ કોરોનાના દર્દીઓને ઈમરજન્સી સ્થતિમાં આપવાની મંજૂરી આપી છે. દવાની કિંમતને લઈને હાલ કોઈ જાણકારી આપવામાં આવી નથી. સિપ્લાને ડ્રગ્સ કંટ્રોલ જનરલ ઓફ ઇન્ડિયા દ્વારા રેમડેસિવીર દવા જેનરિક વર્ઝન લાવવાની પણ મંજૂરી આપી છે. કોરોના વાયરસના ગંભીર દર્દીઓની સારવાર માટે આ દવાનો ઉપયોગ કરી શકાય છે.

યુએસએફડીએએ ઈમરજન્સી યુઝ ઓથોરાઈઝેશન હેઠળ હાલમાં જ ગિલયડ સાયન્સની દવા રેમડેસિવીરને કોરોના વાયરસના ઈલાજ માટે મંજૂરી આપી હતી. જે બાદ મે મહિનામાં ગિલિયડ સાયન્સે સિપ્લાને દવાના નિર્માણ અને વેચાણની મંજૂરી આપી હતી. હવે સિપ્લા દ્વારા મેનેજમેન્ટ પ્લાન હેઠળ સિપ્રમી દવાના ઉપયોગ માટે ટ્રેનિગ આપવામાં આવશે. જ્યારે દર્દીઓ તરફથી એક સહમતી ફોર્મ પણ ભરાવવામાં આવશે. સાથે જ પોસ્ટ માર્કેટ સર્વિલન્સ સિવાય સિપ્લા દર્દીઓ પર સિપ્રસીના ચોથા તબક્કામાં Âક્લનિકલ ટ્રાયલ પણ કરશે.


Comments

કોમેન્ટ પોસ્ટ કરવા માટે લાગિન કરો