વોશિંગ્ટન-
વિજ્ઞાનીઓએ કોરોના સંક્રમણ અંગે એક રસપ્રદ અભ્યાસ કર્યો છે જેમાં જણાયું છે કે પુરૂષોની તુલનાએ સ્ત્રીઓમાં કોરોનાના ગંભીર લક્ષણોનું જોખમ ઓછું હોવા અંગે નક્કર કારણ મળી ગયું છે.
અમેરિકાના વેક ફોરેસ્ટ બેપ્ટિસ્ટ મેડિકલ સેન્ટરના સંશોધકોના મતે મહિલાઓમાં રહેલા એસ્ટ્રોજેન હોરમોનને ટાંકીને જણાવ્યું કે આ હોરમોન હ્રદયમાં એન્જિયોટેન્સિન કન્વર્ટિંગ એન્ઝઆઈમનું (ACE2) સ્તર ઘટાડે છે. એટલા માટે જ મહિલાઓમાં કોરોનાના ગંભીર લક્ષણો મળવાનું જોખમ ઓછું રહે છે. કરન્ટ હાયપરટેન્શન રિપોર્ટ નામના જર્નલમાં પ્રકટ થયેલા આ અભ્યાસમાં ચોક્કસ જાતિને સંલગ્ન ખાસ કરીને એસ્ટ્રોજેન અંગેના પ્રીક્લિનકલ ડેટા રજૂ કરાયા છે.
વેક ફોરેસ્ટ સ્કૂલ ઓફ મેડિસિનના પ્રોફેસર લીન ગ્રોબાને જણાવ્યું કે, અમે જાણીએ છીએ કે કોરોના વાયરસ હ્રદય પર અસર કરે છે અને મહિલાઓમાં હ્રદય સંબંધિત બીમારીમાં એસ્ટ્રોજેન રોગપ્રતિકારક જેવું કામ કરે છે. એટલા માટે જ પુરૂષની તુલનાએ સ્ત્રીઓમાં કોરોનાના ગંભીર લક્ષણો થવાનું પ્રમાણ નીચું હોવાનું એક કારણ હોર્મોનના તફાવતનું હોઈ શકે છે.
સંશોધકોએ જણાવ્યા મુજબ આ હોર્મોન હ્રદય, ધમનીઓ, કિડની અને આંતરડાઓના કોષ પટલ સાથે જોડાયેલ હોય છે અને તે કોરોના વાયરસના સંક્રમણ માટે જવાબદાર સેલ્યુલર રિસેપ્ટર હોય છે. આના દ્વારા તે વાયરસને અંગોના કોષમાં પહોંચાડે છે.
અભ્યાસમાં મળેલા તારણો મુજબ એસ્ટ્રોજેન હ્રદયમાં એન્જિયોટેન્સિનનું પ્રમાણ ઘટાડી દે છે અને તેને પગલે જ સ્ત્રીઓ કોવિડ સંક્રમણના ગંભીર લક્ષણોથી સુરક્ષિત રહે છે. પેશીઓમાં કેન્જિયોટેન્સિનનું ઊચું પ્રમાણ રહેવાથી પુરૂષોણાં કોરોના સંક્રમણના ગંભીર લક્ષણો વધુ જોવા મળે છે.
આ તારણ ખૂબ જ મહત્વનું છે અને તેનાથી પુરૂષો તેમજ સ્ત્રીઓમાં કોરોનાના ગંભીર લક્ષણો અંગે સચોટ માહિતી મળી શકે છે. આ અભ્યાસ પ્રવર્તમાન સમયમાં ખૂબ ઉપયોગી થઈ શકશે અને તેના આધારે સારવાર કરવી પણ સરળ બનશે તેમ ગ્રોબાને જણાવ્યું હતું.
સંબંધિત સમાચાર
મોસ્ટ પોપ્યુલર
ક્વિક લિંક
- અજબ ગજબ
- એસ્ટ્રોલોજી
- બૉલીવુડ
- બજેટ ૨૦૨૧-૨૨
- બિઝનેસ
- સિનેમા
- ક્રાઈમ વોચ
- ધર્મ જ્યોતિષ
- શિક્ષણ
- ફેશન એન્ડ બ્યુટી
- ફૂડ એન્ડ રેસિપી
- હેલ્થ એન્ડ ફિટનેસ
- હોલીવુડ
- આંતરરાષ્ટ્રીય
- જ્યોતિષ
- લાઈફ સ્ટાઇલ
- રાષ્ટ્રીય
- રાજકીય
- ધર્મ
- સ્પેશીયલ સ્ટોરી
- રમત ગમત
- ટી ૨૦ વર્લ્ડ કપ ૨૦૨૧
- ટેક્નોલોજી
- ટેલિવુડ
- ટોક્યો ઓલિમ્પિક્સ
- ટ્રાવેલ
- વાસ્તુ
- વેબ સિરીઝ
Comments