મુંબઇ 

'બિગ બોસ 14'માં કેપ્ટન્સી ટાસ્ક માટે ખૂબ જ ઘમાસાણ મચ્યું હતું. છેલ્લે એઝાઝ ખાન કેપ્ટન બન્યો હતો. જોકે, કેપ્ટન બનતા જ તેની કવિતા કૌશિક સાથે લડાઈ થઈ હતી. એઝાઝ કવિતાને પોતાનો જીગરી દોસ્ત માનતો હતો, તો કવિતાએ તેના પર ગંભીર આરોપો લગાવ્યા હતાં. જેની અસર એ પડી કે એઝાઝ ખાન સમગ્ર રીતે તૂટી ગયો હતો અને તે ધ્રુસકે ધ્રુસકે રડી પડ્યો હતો. 'બિગ બોસ'માં આજનો એપિસોડ ખૂબ જ ઈમોશનલ થવાનો છે. જ્યારે 'ટ્રાન્સફર' ટાસ્ટ પણ ચાલુ છે.

મેકર્સે જે પ્રોમો રીલિઝ કર્યો છે. તેમાં એઝાઝ ખાન રડતો જોવા મળે છે. નિક્કી તંબોલી તેને સાંત્વના આપતી જોવા મળે છે. કવિતા કૌશિકના આરોપોથી દુઃખી થયેલો એઝાઝ એવું કહેતા જોવા મળે છે કે તેનું દિલ તૂટી ગયું છે. તે રડતા રડતા કહે છે કે, 'તે કહે છે કે, મેં તેનો ઉપયોગ કર્યો છે. તેણે મારુ દિલ તોડી નાખ્યું યાર. ખરેખર મારામાં જ કોઈ ઉણપ છે. મારો ભાઈ સાચું જ કહે છે. આ કારણે જ હું ક્યારેય રિલેશનશીપમાં પડતો નથી.'



Comments

કોમેન્ટ પોસ્ટ કરવા માટે લાગિન કરો