ગાંધીનગર, કોરોનાના કારણે તમામ પરીક્ષાઓ ઓનલાઈન લેવાનાર છે. પંરતુ બોર્ડની પરીક્ષાઓ ચોક્કસ લેવાશે તેવુ રાજ્ય સરકારે જાહેર કરી દીધું છે. બોર્ડની પરીક્ષાઓની તારીખ પણ આવી ગઈ છે. ત્યારે આ દરમિયાનમાં મોટા સમાચાર સામે આવ્યા છે. આ સમાચાર મુજબ, હાલ ધોરણ ૧૦ બોર્ડની મરજિયાત વિષયની પરીક્ષાઓ લેવામાં નહિ આવે. કોરોનાની પરિસ્થિતિને કારણે શિક્ષણ વિભાગ દ્વારા આ ર્નિણય લેવામાં આવ્યો છે.

રાજ્યમાં પ્રવર્તમાન કોરોનાની પરીસ્થિતિને ધ્યાનમાં લઈને હાલના સમયમાં પરીક્ષા નહિ લેવાય તેવુ જણાવાયુ છે. સાથે જ બોર્ડ દ્વારા એવું પણ જાહેર કરવામાં આવ્યું છે કે, બોર્ડની પરીક્ષા પૂર્ણ થયા બાદ શાળાઓએ આ મરજીયાત વિષયની પરીક્ષા લેવાની રહેશે. આ ઉપરાંત ધોરણ ૧૦ બોર્ડની સૈદ્ધાંતિક અને પ્રાયોગિક પરીક્ષાઓની તારીખમાં ફેરફાર કરવામાં આવ્યો છે. શિક્ષણ બોર્ડ દ્વારા તમામ આચાર્યોને જીજીઝ્ર બોર્ડની પરીક્ષા સંદર્ભે પત્ર લખીને આ અંગે જાણ કરવામાં આવી છે. એસએસસી બોર્ડની મુખ્ય પરીક્ષાઓ પૂર્ણ થયા બાદ ૩ દિવસમાં શાળા કક્ષાએ સૈદ્ધાંતિક અને પ્રાયોગિક પરીક્ષા લેવા માટે આદેશ કરવામાં આવ્યા છે. આગામી મહિને એટલે કે, આગામી તા. ૧૦ થી ૨૫ મે દરમિયાન યોજાનાર છે. આ સંજાેગોમાં અગાઉ શાળાના કક્ષાના વિષયની સૈદ્ધાંતિક અને પ્રાયોગિક પરીક્ષાઓ તા. ૧૫ એપ્રિલથી ૩૦ એપ્રિલ દરમિયાન કરવાનું આયોજન હતું. ત્યારે હવે પ્રેક્ટિકલ પરીક્ષાઓની તારીખ બદલી દેવામાં આવી છે.


Comments

કોમેન્ટ પોસ્ટ કરવા માટે લાગિન કરો